Kyk na dieper issues
Hoewel dit vir haar moeilik is om definitief te sê watter rol alkohol speel in die huidige toename in GBV, wys navorsing hewige drinkery verhoog die risiko, omdat dit hoe jy dink en reageer beïnvloed, jou selfbeheersing verminder en jou minder in staat laat om konflik op ’n nie-gewelddadige manier op te los. Shanaaz se voorstel is dat die regering met ’n plan vorendag kom waar gemeenskaptoetsspanne (vir Covid-19) vroue en kinders wat in die moeilikheid is, identifiseer en help.“In ander lande is daar kodes vir vroue wat hulp nodig het. Ons het vroue en kinders in die koue gelos, sonder maklike toegang tot beskerming.”
Volgens haar is die regering besig om die Domestic Violence Act te hersien.
“Maar ons moet onthou beskermingsbevele en minimum tronkstraf bestaan reeds. Ek is bekommerd die wet is nie genoeg om vroue en kinders te beskerm nie. Dit is net een stap in ’n reeks beskermingsmaatreëls. Inteendeel, my navorsing wys ’n vrou se hoogste risiko om deur haar maat vermoor
Maite Nkoana-Mashabane, die minister van vroue, jeug en mense met gestremdhede, het ook onlangs haar kommer uitgespreek oor die toename in geslagsgeweld. Sy voel die geveg kan nie net deur die regering gevoer word nie, maar dat gemeenskappe se hulp en ondersteuning nodig is.
Haar raad aan slagoffers is:
Maak seker jy het ’n vriend of familielid wat jy kan bel as jy hulp nodig het.
Skep ’n kodewoord sodat hulle weet jy is in gevaar. Deel die kodewoord met jou kinders.
Jy kan ook ’n teken met jou bure ooreenkom waarmee jy kan wys as jy hulp nodig het.
Hou noodnommers byderhand, byvoorbeeld die SAPD of plaaslike organisasies wat kan help.
Kies die veiligste tyd om te ontsnap, byvoorbeeld wanneer jou mishandelaar slaap, of maak ’n verskoning om uit die huis te kom.
Gaan na ’n veilige plek, soos ’n familielid se huis, ’n ondersteuningsorganisasie of die polisie.
Kontak die Gender-Based Violence Command Centre by 0800 428 428.