Inspirasie:
Van kleins af het hy geweet hy moet hard werk om sy drome te bewaarheid, en nou pluk hy die vrugte van al sy opofferings! DEUR jackie pienaar-brink
Jong man van Grabouw smaak sukses
Daar was twee goed wat Dimitri Jacobs al as klein seuntjie geweet het: Hy gaan bo sy armoedige omstandighede uitstyg en hy gaan nié terug na Grabouw, die omgewing waar hy grootgeword het, nie.
Hy was reg wat die eerste een betref: Vandag, op 33, is hy ’n selfversekerde en suksesvolle direkteur van verskeie ondernemings.
Wat die tweede een betref: Wel, ’n mens het nie altyd beheer oor alles nie en die appelwêreld waarin hy as plaasarbeiderkind opgegroei het, het op die ou einde ook aan hom die moontlikheid gebied om te vorder tot waar hy vandag is.
Dimitri het as die middelkind van drie seuns grootgeword in Pineview, die minder gegoede buurt van Grabouw. Ma Elsie was ’n seisoenale arbeider op die plaas Applethwaite en pa Philip ’n masjienoperateur by Appletiser.
“Ek sou ons as arm klassifiseer. Ons het nie ’n motor gehad nie en as jy verjaar het, was jou partytjie beperk tot jy en jou broers,”vertel hy.“Dit was maar heeltyd in my gewees dat ek nie meer wil bly waar ons gebly het nie. Toe ek klein was, wou ek altyd dorp toe trek.”
Wat werk betref, wou hy ook nie in sy ma of pa se voetspore volg nie. En hy wou definitief nie eendag op ’n plaas of in ’n fabriek gaan werk nie.
Dit alles het hom van kleins af aangevuur om net sy beste te lewer.
Reeds in graad 7 aan Kathleen Murray Primêr het Dimitri dit ernstig opgeneem toe hy en sy klasmaats gevra is om hul doelwitte vir die toekoms te stel. Nadat hy aanvanklik sy eie besigheid wou besit, wou hy nou prokureur word. En dit was vir hom vanselfsprekend dat hy hiervoor verder sou moes gaan studeer. Al was die geld skraps, het hy geweet daar sou ’n uitweg wees omdat hy regdeur sy skoolloopbaan uitgeblink het.
In graad 11 aan Groenberg Sekondêr het sy beroepsrigting weer verander nadat die leerders verskeie loopbaanuitstallings bygewoon het.“Ek het besig dat ek eintlik in personeelbestuur wil gaan omdat ek ’n passie vir mense het.”
Dimitri het in 2004 met vrystelling en meriete gematrikuleer. Hy het ’n volle beurs by Appletiser gekry en is by ál drie tersiêre inrigtings aanvaar waar hy aansoek gedoen het. Hy het op die Kaapse Skiereiland-Universiteit van Tegnologie (CPUT) besluit.
“Ek het meer ondersteuning daar gehad omdat van my vriende soontoe is, maar het ook geweet die kursus is baie meer prakties van aard. Jy doen twee en
’n half jaar teoreties, maar kry dan ook die geleentheid om werksplek-ervaring op te doen as deel van die