WEES SÓ ’ N VIR WARE JOUSELF VRIENDIN
Deur goeie en slegte tye het jy ’n goeie vriendin nodig. Maak só seker jy gee én kry die beste ondersteuning.
Die meeste van ons gaan soms deur moeilike tye, maar die rondomtalie-rit van die lewe is ’n bietjie makliker om te hanteer wanneer ons vriendinne het om ons lief en leed mee te deel. Dit is belangrik vir ons geestesgesondheid om lojale vriendinne te hê wat ons ondersteun wanneer ons dit nodig het en met wie ons ons oorwinnings en die goeie in ons lewens kan vier. Vroue verstaan mekaar op ’n manier wat
mans nie kan nie: Vroue is van nature meer sorgsaam en kan meer empatie hê as dit nodig is. Wanneer jy byvoorbeeld oor jou skoonma kla, kan ’n vriendin meer empatie betoon en jou issues herken en uit hul eie ondervindings vir jou raad gee oor hoe om jou situasie te hanteer. Vriendinne gee jou vars perspektiewe:
Al het jou vriendin empatie en meegevoel met ’n situasie in jou lewe, kan sy vir jou ’n objektiewe opinie gee as jy byvoorbeeld verhoudingsprobleme het, omdat sy nie subjektief in die situasie betrokke is nie. Hierdie raad kan ’n positiewe invloed op jou besluite hê. Ware vriendinne is goed vir jou self
beeld: ’n Ware vriendin gaan jou nie laat sleg voel as jy ’n gewigsprobleem het nie en gaan ook nie toelaat dat jy jouself afbreek nie. ’n Ware vriendin praat jou moed in en gee goeie advies sonder om jou gevoelens seer te maak. Wanneer jy ’n openhartige gesprek met ’n goeie vriendin gehad het, behoort jy vol selfvertroue te wees en te voel dat jy ondersteuning van haar af gekry het.
’n Goeie vriendin kraak jou nie af nie en het nie ander motiewe as om jou vriendskap te geniet nie. Sy maak nie ogies vir jou lewensmaat nie of is bevriend met jou omdat jy die regte konneksies en netwerk het om haar in byvoorbeeld haar werk of ’n sekere sosiale kring te help vorder nie. ’n Goeie vriendin gee eerlike raad:
Selfs al kan eerlikheid soms brutaal wees, moet jy weet dat ’n ware vriendin net goeie bedoelings en jou welstand in gedagte het.
’n Goeie vriendin is ’n klankbord wat na jou idees, gedagtes en opinies luister sonder vooroordeel en die vrymoedigheid het om jou te vertel wat sy regtig dink.
Onlangse navorsing toon ons beste vriendinne ken ons beter as ons lewensmaats. Hulle weet dus of ons ’n luisterende oor, ’n skouer om op te huil of ’n aandjie vol pret uit nodig het.
Hoe ouer, hoe beter: Soos goeie rooi wyn is ouer vriendinne beter vriendinne. Navorsing bewys die gemiddelde vriendskap tussen vroue hou 16 jaar, wat ses jaar langer as die gemiddelde romantiese verhouding is.
Wanneer ons 53 en ouer is, hou ons vriendskappe gemiddeld 23 jaar lank. Vriendinne kan ons uitdaag om nuwe dinge te probeer, kan mentors wees in ons loopbaan en kan ons aanmoedig om in
alle lewensareas beter te presteer. ’n Beste vriendin is die beste life coach omdat sy werklik vir ons net die beste toewens. Vriendinne kan ons help om stres te han
teer: Mans en vroue hanteer stres anders. Vroue is meer geneig om uit te reik na ander en hulle te versorg in stresvolle situasies. Navorsing het bewys dat vroue wat goeie vriendskappe met ander vroue het, ’n beter kans het om borskanker te oorleef as vroue wat sosiaal-geïsoleerd leef.
Dit bring ons by die vraag: Hoe hou ons ons vriendskapsbande in stand in tye van isolasie, soos tydens die inperking. Danksy die digitale era waarin ons leef, is dit maklik om foon- en video-gesprekke met vriendinne te voer en só kontak te behou. Maak tyd elke week waartydens julle ’n virtuele kuiertyd het in plaas van ’n fisiese koffiekuier. Kyk saam ’n film wat julle ná die tyd kan bespreek, of speel ’n speletjie saam aanlyn soos Scrabble. ’n Bos blomme of ander geskenkie wat jy laat aflewer, kan ’n vriendin se dag maak en haar laat weet dat jy spesiaal aan haar dink.
Jy kan ook ’n vriendin ontmoet en saam oefen, solank julle net die sosiale afstandreëls gehoorsaam.
Ons is so gewoond om drukkies te gee of hand te skud wanneer ons groet, maar groet met jou hand op die hart of groet deur mekaar se elmboë te raak vir veiligheid.
Die virus veroorsaak dalk dat ons mekaar minder sien en nie ons gewone kuiers kan geniet nie, maar terselfdertyd besef ons die waarde van vriendskapsverhoudings en dat ons aan hierdie verhoudings kan werk deur gereelde, goeie kommunikasie wat die belangrikste faktor in enige verhouding is.
nGoeievriendin kraakjounie afnie.