CHOCOLATE MOUSSE TRIFLE

Genoeg vir 8

BESTANDDELE

Mousse

600 ml vars room

400 g donkersjokolade 1 teelepel kitskoffie

2 teelepels vanilla essence 4 eetlepels strooisuiker (castor sugar)

Koek

1 koppie kookwater

½ koppie kakao

½ koppie kookolie

1 teelepel vanilla essence 2 koppies koekmeel 3 teelepels bakpoeier ’n Knippie sout

1½ koppies strooisuiker

3 eiers

Samestelling

½ koppie (of meer as jy wil) Amarula-likeur/sjerrie/sjokolademelk (Steri Stumpie)

1 koppie room Sjokolade-eiertjies vir versiering

METODE

Mousse: Verhit die helfte van die room oor lae hitte tot net voor kookpunt. Breek die sjokolade in stukkies. Roer die sjokolade en koffiepoeier by en laat staan tot die sjokolade gesmelt is. Roer tot glad en laat koel af tot kamertemperatuur. Klits die res van die room, vanilla essence en strooisuiker saam tot styf. Vou die afgekoelde sjokolademengsel versigtig by die room en verkoel tot benodig.

Koek: Spuit 2 ronde koekpanne met baksproei en voorverhit die oond tot 180 °C. Meng die kookwater, kakao, kookolie en vanilla essence saam en laat koel dit effens af. Sif die koekmeel, bakpoeier en sout saam in ’n aparte bak. Klits die strooisuiker en eiers tot lig. Voeg die kakaomengsel by die eiermengsel en vou dit dan by die meelmengsel in. Verdeel die beslag tussen die 2 koekpanne. Bak by 180 °C vir 30 minute of tot ’n toetspen skoon uitkom. Haal die koeke uit die oond, laat dit vir ’n paar minute afkoel en keer dit dan uit op ’n draadrakkie om heeltemal af te koel. Samestelling: Gebruik ’n bak wat dieselfde grootte is as jou panne. Halveer elke koek om twee lae te maak. Sit een laag in die bak. Sprinkel likeur/sjerrie/sjokolademelk oor. Smeer ’n laag mousse oor. Herhaal en eindig met ’n laag mousse. Jy kan ’n laag room in die middel sit as jy wil. Klits die room en versier die trifle met die room en sjokolade-eiertjies.

WENK: Gebruik gegeurde sjokolade (soos peppermint) in die mousse.