VRA DR. PATRICIA
Soek jy raad oor ’n mediese probleem?
Voel te skraal Vraag Antwoord BESTE MNR. GEWIGLOOS
Familie-oorerwing en leefstylgewoontes speel ’n groot rol in liggaamsbou. Sommige mense het ’n natuurlike lenige liggaam met ’n vinnige metabolisme en ander sukkel om gewig op te tel as gevolg van ’n onderliggende siektetoestande of medikasie.
Algemene siektestoestande wat kan veroorsaak dat jy sukkel om gewig op te tel, is ooraktiewe skildkliersiekte, diaabetes, inflammatoriese deermsiektes en eetversteurin gs onder meer. Faktore soos oeffening, daaglikse aktiwiteite en hoeveel kos en vloeistof jy inneem, speel ook ’n rol.
Is jou gewig normaal? Jou liggaamsmassa-indeks (body mass index/BMI) gee ’n skatting van jou totale liggaamsvet gebaseer op jou gewig en lengte. Met ander woorde hoe vet of hoe maer jy is.
Die formule is: BMI = gewig in kg/lengte in m2. Onder 18,5 is ondergewig, bo 18,5 – 24,9 is normaal, 25 – 29,9 is oorgewig en bo 30 is vetsugtig. Hou in gedagte dat d die BMI nie ’n definitiewe ma aatstaf is om gesondheid te meet nie. Maar as jou BMI onder 18,5 is en jy sukkel om gewig op te tel, is dit ’n goeie idee om liewer ’n dokter te besoek.
’n Volledige evaluasie moet gedoen word om vas te stel wat jou gewigsdoel is, wat jou sak pas en wat volhoubaar is. Die dokter sal jou verwys na ’n dieetkundige vir ’n individuele eetplan en opvolge indien nodig.
Algemene maatreëls:
• Kry genoeg slaap van goeie gehalte.
• Geestesgesondheid affekteer alle fasette van ons lewens en moet geprioritiseer word.
• Volg ’n dieet met baie proteïene en energie.
• Eet meer kalorieë as wat verbrand word. Ten minste 500 meer as wat jou liggaam normaalweg nodig het.
• Moenie water voor maaltye drink nie.
• Eet meer gereeld. Ten minste vyf tot ses keer per dag
• Gebruik vet (soos olie, margarine, botter of mayonnaise) by elke ete.
• Gebruik volroommelkpoeier in geregte.
Kies energieryke snacks soos:
• Gedroogte vrugte
• Neute, grondboontjies en advokadopere
• Volroomvrugtejogurt, volroomroomys en vrugtesap
• Tuisgemaakte melkskommels of proteïen-shakes
• Energiestafies en sjokolade
• Gebruik genoeg suiker en suikerryke voedsel (soos konfyt, heuning en gouestroop).
• Gebruik room of ingedampte melk in jou tee/koffie, sop, jellie en poedings en oor jou pap.
Wenke vir voldoende proteïen-inname
Jy kan proteïene inneem van diere en plante. Voorbeelde:
• Eiers, vis, hoender of vleis (soos skaap, bees, vark en volstruis). Jy kan dit eet as maalvleis, wors, lewer, niertjies of polonie.
• Melk en melkprodukte (soos kaas, jogurt, karringmelk en amasi).
• Sojabone en sojaboonprodukte soos sojamaalvleis; droë bone, ertjies en lensies.
• Grondboontjiebotter, grondbone en neute.
Voeg ’n proteïenbron by elke ete.
As dit nie moontlik is om met jou hoofmaal vis of hoender te eet nie, kan die volgende goedkoper, proteïenryke kos gebruik word om dit te vervang:
• Een tot twee eiers; brood met baked beans of grondboontjiebotter; krummelpap met sojamaalvleis; boontjiebredie en rys of krummelpap; gort-, lensie- of ertjiesop en French toast.
• Macaroni-gebak: Gebruik ’n melk-eneiermengsel (1 eier per koppie melk) om oor die gaar macaroni te gooi. Geur met sout en peper en bak dit in die oond.
• Drink ten minste twee tot drie koppies volroommelk per dag. Jogurt, volroommelkpoeier, amasi kan in die plek van melk gebruik word.
• Kies melkdrankies (soos warm sjokolade) in plaas van tee of koffie.
• Eet nageregte met ’n melkbasis (soos vla, melktert, volroomroomys en sago).
Jy kan ook gewig optel deur te oefen. Doen byvoorbeeld gewigopteloefeninge (weight lifting) en yoga om jou spiere op te bou en só gewig op te tel.
Gesonde gewigstoename benodig ’n gebalanseerde benadering presies soos ’n gewigsverliesprogram.