Krieket SA se bestes op Oudtshoorn
Alle paaie loop Saterdag na die REC op Oudtshoorn waar die Momentum-bekereendagwedstryd tussen die WSB Cape Cobras en die Warriors plaasvind.
“Groot opwinding heers in SWD-krieketgeledere, wanneer Oudtshoorn die gasheer vir hierdie groot wedstryd sal wees. SWD het reeds verskeie wedstryde in die Sunfoil-vierdagreeks op Oudtshoorn aangebied, maar vanuit ‘n toeskouer oogpunt is Saterdag se stryd ’n groot gebeurtenis
“As aandeelhouer in Wes-Kaapkrieket was dit altyd ons strewe om hoëprofielwedstryde na Oudtshoorn te bring en ons wil graag bewys dat ons gereed is om wedstryde op hierdie vlak aan te bied en ook om iets spesiaal vir ons ondersteuners na Oudtshoorn te bring,” het Rudy Claassen, die president van SWD-krieket gesê. “Dit is werklik ’n opwindende dag vir SWD-krieket.”
Met die RAM Slam Twintig20 reeks nou afgehandel gaan die professionele spanne se fokus na die eendagreeks verskuif. Hoewel internasionale sterre soos Vernon Philander, Hashim Amla en Temba Bavuma nie vir die Cobras beskikbaar is nie weens verpligtinge met die Proteas, bring die Cobras steeds ’n sterbelaaide span na Oudtshoorn. ‘n Speler wat vir die SWD naam gemaak het en deesdae ’n groot held vir die Warriors is, Christiaan Jonker, sal ook in aksie wees.
Kaartjies vir die wedstryd is by die SWDkantoor beskikbaar, of kan op die wedstryddag by die hekke in Voortrekkerweg gekoop word. Kaartjiebesprekings kan ook aanlyn by Ticketpro gedoen word.
Toegang is R20 vir volwassenes en R10 vir kinders.
Navrae kan gerig word by 044 272 6604.
Die wedstryd begin om 10:00. Die spanne is: Cape Cobras (gekies uit)
Andrew Puttick, Aviwe Mgijima, Dane Paterson, Dane Piedt, Dayyaan Galiem, George Linde, Jason Smith, Kyle Verreynne, Lizaad Williams, Pieter Malan, Qaasim Adams, Richard Levi, Simon Khomari, Stiaan Van Zyl, Tshepo Moreki, Zubayr Hamza, Jean-Paul Duminy, Wayne Parnell, Mthiwekhaya Nabe, Rory Kleinveldt, Ferisco Adams en Carlo Koyana.
Warriors
Gihan Cloete, Matthew Breetzke, Jon Jon Smuts, Colin Ackerman, Yasheen Vallie, Leslie Ngoepe, Andrew Birch, Ayabalule Gqamane, Anrich Nortje, Marco Marais en Clayton Bosch.
Groot opwinding heers in SWD-krieketgeledere, wanneer Oudtshoorn die gasheer vir hierdie groot wedstryd sal wees.