Oudtshoorn-rolbalklub by Statebondspele
Elmar Davies, Eden se Protea-speler en lid van die Oudtshoornrolbalklub, is na die afgelope interprovinsiale vroue-rolbalkampioenskap in Oudtshoorn gekies om Suid-Afrika by die Statebondspele te verteenwoordig.
Die 2018 Statebondspele vind in die Australiese hawestad, Goudkus, plaas.
Drie spelers uit die 20 spanne wat van Maandag 12 Maart tot Vrydag 16 Maart op plaaslike bodem in aksie was, is vir die span gekies. Davies is die enigste Eden-speler wat die span gehaal het.
Die Eden-span het ‘n agtste plek in die Blouafdeling gehaal, waar hulle teen die Rooi-afdeling gekompeteer het.
Oostelike Provinsie het die Blou-afdeling gewen en Vrydag in die eindstryd teen die Rooi-afdeling se wenners, Boland, in die eindstryd gespeel.
Boland het die toernooi gewen.