Oudtshoorn rugbyspanne lewer gemengde uitslae

Oudtshoorn se rugbyspanne het die afgelope naweek vir groot opwinding gesorg. In‘ n Premier ligawedstryd het Bridgton in George teen Evergreens gespeel.

Twee President s liga wedstryde, Collegians teen Spring Roses en All Blacks teen Willing Hearts, is plaaslik gespeel, terwyl Oudtshoorn na Uniondale moes reis.

Die uitslae is:

Bridgton teen Evergreens

Bridgton het Evergreens Saterdag 5 Mei in George met 27-25 gewen. Bridgton se tweedespan het met 20-35 verloor, terwyl Bridgton se derdespan met 24-10 gewen het.

Bridgton sal die komende naweek in ‘n wegwedstryd teen Silver Stars speel.

Oudtshoorn teen Uniondale

Oudtshoorn-rugbyklub het hul rieme styfgeloop teen Uniondale toe hulle met 5-36 teen die Uniondalers kafgedraf is.

Oudtshoorn se tweedespan het met 10-25 verloor. Oudtshoorn en All Blacks sê mekaar dié naweek die stryd aan.

Collegians teen Spring Roses

Collegians se eerstespan het vir goeie hardlooprugby gesorg en Spring Roses op die Plate met 40-15 gewen. Die twee spanne se tweedespanne het in ‘n taai wedstryd gelykop (10 elk) van die veld gestap.

Collegians speel dié naweek teen Harlequins op die Infanterieskool se velde. Spring Roses sal op hul tuisveld vir BeaufortWes aanpak.

All Blacks teen Willing Hearts

All Blacks het op sy tuisveld vir Willing Hearts met 23-19 in ‘n taai stryd gewen. Die rustydtelling was 16-10 in Willing Hearts se guns. All Blacks se tweedespan moes met 10-38 voor Willing Hearts die knie buig.

Foto: Christo Vermaak Foto: Ebenezer Titus Beide All Blacks en Willing Hearts se verdediging was van hoogstaande gehalte. Denver Stanley (Spring Roses se skrumskakel) (links) en Uraan Moses (Collegians se reserwe vlank) jaag die bal.