Kli­niek in sop oor ver­trou­li­ke lê­ers

Oudtshoorn Courant - - VOORBLAD - LIEZL VAN NIEKERK

Ver­trou­li­ke me­die­se lê­ers, wat on­der an­de­re in­lig­ting oor pa­si­ën­te se MIV-sta­tus be­vat, is son­der na­den­ke ver­moe­de­lik deur per­so­neel van die De Rust-kli­niek in ‘n o­pen­ba­re plek weg­ge­gooi.

In­wo­ners wie se in­lig­ting oop en bloot in ‘n hou­er ge­lê het, is woe­dend oor die voor­val aan­ge­sien me­die­se lê­ers ver­on­der­stel is om in vei­li­ge be­wa­ring te wees.

Vol­gens I­sak Kat­zen, ‘n ge­meen­skaps­ak­ti­vis in De Rust, het hy Maan­dag ‘n op­roep van ont­sto­ke in­wo­ners ge­kry om hom van die voor­val in te lig.

“Die men­se wat my ge­bel het, het ge­sê ‘n kind het die lê­ers, wat me­die­se in­lig­ting van pa­si­ën­te van die kli­niek be­vat, in die con­tai­ner in die veld langs die kli­niek ge­kry.”

Die do­ku­men­te be­vat per­soon­li­ke in­lig­ting van die pa­si­ën­te waar­on­der hul me­die­se toe­stan­de, MIV-sta­tus, voor­skrif­me­di­ka­sie, na­me, sel­foon­nom­mer en i­den­ti­teits­nom­mers.

Kat­zen sê nie al die lê­ers is vol­le­dig nie en som­mi­ge is en­ke­le blad­sye uit pa­si­ën­te se lê­ers.

“Daar is tus­sen 40 en 50 men­se wie se per­soon­li­ke in­lig­ting die stra­te vol ge­lê het. Baie van die men­se se MIV/Vigs-sta­tus is nou be­kend aan e­nig­ie­mand wat die lê­ers ge­sien het,” het hy ont­steld ver­tel.

Mi­na Ro­man, ‘n lid van die kli­niek se be­stuur, het ge­sê le­de van haar familie se lê­ers was on­der dié wat in die vul­lis­hou­er ge­vind is.

“Fa­mi­lie­le­de baie na aan my se lê­ers is ook on­der dié wat in die hou­er ge­vind is. Dit is ab­so­luut on­aan­vaar­baar dat daar so na­la­tig met pa­si­ën­te se me­die­se re­kords ge­werk word. Dit is ver­on­der­stel om ver­trou­li­ke in­lig­ting te wees.”

Vol­gens haar het hul­le die po­li­sie oor die voor­val in­ge­lig, maar het hul­le nie ‘n klag ge­lê nie om­dat hul­le nie ge­weet het wat­ter klag om te lê nie.

“’n Plaas­li­ke ad­ju­dant-of­fi­sier het die lê­ers by my kom haal. Ek het ook die kli­niek daar­van in­ge­lig en al die o­wer­he­de is in kennis ge­stel.”

Sy het die week aan die Oudts­hoorn Cou­rant ge­sê dat nie­mand nog met hul­le oor die voor­val kom praat het nie.

“Ons weet nie of daar ‘n saak on­der­soek word of wie ver­ant­woor­de­lik was vir die na­la­tig­heid nie.”

Na­dia Fer­rei­ra, woord­voer­der van die Wes-Kaap­se ge­sond­heids­de­par­te­ment, het die week ‘n ken­nis­ge­wing vry­ge­stel waar­in hul­le er­ken dat “’n lê­er met pa­si­ënt­in­lig­ting in ’n vul­lis­hou­er bui­te die kli­niek ge­vind is”.

Vol­gens die ken­nis­ge­wing het dit groot kom­mer by die de­par­te­ment ge­wek en “raai hul­le die ge­meen­skap aan om as­se­blief nie hier­die in­lig­ting te ver­sprei nie”.

Die Oudts­hoorn Cou­rant het die de­par­te­ment in­ge­lig dat daar meer as een pa­si­ënt­lê­er in die vul­lis­hou­er be­land het.

Sy het ver­der ge­sê dat die de­par­te­ment streng rig­ly­ne oor die berg van sen­si­tie­we in­lig­ting, soos ou voor­skrif­te en ma­ni­fes­te het.

“Die ver­trou­lik­heid van pa­si­ënt­in­lig­ting word voor­op­ge­stel. Dit word vol­gens be­leid ver­nie­tig of in ’n ar­gief ge­berg. Ons wil die pu­bliek ge­rus­stel dat dit ’n uit­son­der­li­ke voor­val is wat on­der­soek en aan­ge­spreek sal word.”

Fer­rei­ra het ook be­ves­tig ’n saak is by De Rust-po­li­sie­sta­sie aan­han­gig ge­maak.

“Die saak word on­der­soek vir die on­ge­mag­tig­de ver­wy­de­ring van ei­en­dom van­af die kli­niek­per­seel. Ons sien die ver­sprei­ding van ver­trou­li­ke in­lig­ting in ’n baie erns­ti­ge lig.”

Die Oudts­hoorn Cou­rant het ‘n na­vraag aan kapt. Mal­colm Po­jie, die Suid-Kaap­se po­li­sie­woord­voer­der ge­stuur, maar hy het teen druk­tyd nie daar­op ge­re­a­geer nie. Dit is dus nie dui­de­lik wat­ter klag on­der­soek word en of die klag teen ‘n spe­si­fie­ke in­di­vi­du by die kli­niek on­der­soek word nie.

Fo­to’s: ver­skaf

Die De Rust-kli­niek. Die vul­lis­hou­er bui­te op ‘n oop stuk grond na­by die kli­niek waar die do­ku­men­te ge­vind is.

Een van die do­ku­men­te met ‘n pa­si­ënt se ver­tou­li­ke me­die­se in­lig­ting.

Newspapers in Afrikaans

Newspapers from South Africa

© PressReader. All rights reserved.