Blink toekoms vir dierewelsyn
Dieresorg in Oudtshoorn het nog
‘n stap in die regte rigting geneem met die samesmelting van tweedie re welsynsorganisasie sen die versekering van die DBV dat ’n nuwe skut beplan word.
Volunteers vir Diere (OVD) en Animal Care Team (ACT) het saamgesmelt om ‘n nuwe welsynsorganisasie, Animal C are Team SA (ACTSA) te stig. Dié aankondiging is Saterdag tydens ‘n spesiale funksie by Safari Ostrich Farm gemaak. Die toekoms van dierewelsyn in Oudtshoorn is ook tydens hierdie geleentheid bespreek.
Vanessa Engelbrecht, voorsitter van ACTSA, het gesê die twee organisasies het dieselfde doel voor oë en van nou af sal hulle as een span saamwerk om die lewe vir die diere van die omgewing beter te maak.
“Ons het ‘n vyf jaar plan uitgewerk. Ons hoofdoel sal wees om soveel as moontlik diere te steriliseer. Ons doen reeds vier Spay-a-Thons per jaar waar daar ongeveer 250 tot 300 diere gesteriliseer word. Met weeklikse sterilisasies word 1 060 diere per jaar gesteriliseer. Dit verhoed ‘n minimum van 8 000 ongewenste geboortes per jaar. Die Spay-a-Thons kos ongeveer R110 000 per jaar vir 250 diere. Vir sterilisasies moet die organisasies 50% daarvan finansier.”
Engelbrecht sê verder ACTSA werk met gemeenskappe waar die minimum inkomste per huishouding onder R5 000 per maand is.
“Behalwe vir die sterilisasies werk ons ook hard daaraan om mense te leer om reg na hul diere om te sien. Ons organisasie werk op die R.E.S.C.U.E. beleid, dit is rehabilitation, educating, sterilisation, care, uplifting of animals and humans and encouragement. Dit is belangrik om die eienaar van die diere te laat goed voel en te prys vir wat hulle reg doen, want dan doen hulle soveel meer moeite om die diere se omstandighede te verbeter.”
Volgens Engelbrecht sou die gemeenskapswerk wat hulle verrig onmoontlik wees sonder die hulp en samewerking van ander organisasies in die gemeenskap.
“Ons werk baie nou saam met die staatsveeartse, plaaslike veeartse en die mobiele kliniek van People’s Dispensary for Sick Animals (PDSA). Met hulle hulp kan ons die basiese behoeftes soos wondversorging en inentings na die gemeenskap bring en ook mense help wat nie privaat veeartsonkoste vir ernstig beseerde of siek diere kan bekostig nie.”
PDSA besoek Dysselsdorp die eerste Dinsdag van elke maand vanaf 10:00 tot 12:30 by die gemeenskapsaal. Hulle besoek Oudtshoorn elke Dinsdag van die maand en roteer tussen Dassieweg, Bongolethu, Riemvasmaak, Toekomsrus en die veld langs die Bridgton-kliniek.
DBV betrokkenheid
Frieda Janse van Rensburg, bestuurder van die Tuinroete DBV, was ook by die vergadering.
Volgens haar gaan die DBV steeds die munisipale skut in Oudtshoorn oorneem.
“Ons het ‘n perseel in die industriële gebied gekry. Daar is egter nog papierwerk tussen ons en die munisipaliteit wat geteken moet word en die strukture moet nog gebou word.”
Janse van Rensburg is baie positief oor die DBV se terugkeer na Oudtshoorn.
“Ons wil graag die ordonnansies van die dorp met betrekking tot die hoeveelheid diere wat per erf toegelaat word en onwettige telers, verander. Streng boetes sal opgelê word wanneer dié ordonnansies oortree word. Ons gaan ook opgeleide inspekteurs hê wat woonbuurte gaan besoek, diere verwyder, mense opvoed en ook waarskuwings uitreik waar nodig.”
Ntobeko Mangqwengqwe, senior munisipale woordvoerder, het die week gesê die verskuiwing van die perseel sal ‘n klomp geld kos, maar daar is ‘n bedrag daarvoor toegeken wat in die 2018/19 begroting goedgekeur is.
“Die tenderproses in aan die gang en die bou van die strukture sal begin sodra die tenderproses afgehandel is.”
Die skut word tans deur die munisipaliteit onder bestuur van Magda Davel en twee werknemers behartig. Nog ‘n diereorganisasie, Oudtshoorn Dogs in Need (ODIN) is by die skut betrokke met die versorging van diere en finansiering.