Bridgton klim die Premierliga-punteleer

Bridgton se eerste rugbyspan het een trappie op die SWD Premierliga se punteleer geklim, toe hulle Maori’s op die Heidedal-sportterrein in ‘n naelbytstryd met 33-28 gewen het.

Bridgton het van die sewende na die sesde plek uit 10 spanne opgeskuif.

Al drie Bridgton se spanne het Saterdag 16 Junie as wenners Oudtshoorn toe teruggekeer. Hulle tweede span het met 3425 gewen, terwyl die derde span beïndruk het met ‘n 29-8 oorwinning.

Blade James (flank), Keanin Esau (heelagter) en Branwin Wanies (regtervleuel, twee) het Bridgton se eerste span drieë gaan druk. Keanin Esau (heelagter) het met twee doelskoppe en drie strafdoele geslaag.

Vir Maori’s is Marshelle Frans (heelagter), Cedrick Ryneveldt (regtervleuel, twee) en Alton Tarentaal (binnesenter) oor vir drieë. Tarentaal was ook met ‘n doelskop en twee strafdoele

suksesvol. Tweede en derde spanne

Bridgton II (34): Drieë: Cherdean Fillies (heelagter), Boutros May (flank), Romano Ewerts (slot), Ferlimo September (buitesenter), Anrich Daniels (regtervleuel, twee). Thiron Stoffels (skrumskakel) en May was elk suksesvol met n doelskop.

Maori’s II (25): Drieë: Jo-Wayne Armoed (losskakel), Jason Martiens (agtsteman), Selwyn Jakobs (plaasvervanger). Armoed slaag ook met twee doelskoppe, strafdoel en skepdoel.

Bridgton III (29): Drieë: Denzil Meyer (heelagter), Chrizano Julius (regtervleuel), Andre Willemse (linkervleuel), Roswin van Hansen (flank), Shaun Bruintjies (plaasvervanger). Autrigh Tiemie (skrumskakel) het twee doelskoppe oorgeskop.

Maoris III (8): Drie - Marlin Fielies (losskakel). Fielies het ook met ‘n strafdoel geslaag.