Pas­op vir Ry­an

Oudtshoorn Courant - - VOORBLAD - HAN­NES VIS­SER

Ver­skeie lood­gie­ters en soort­ge­ly­ke diens­ver­skaf­fers is die af­ge­lo­pe twee we­ke deur ‘n man, be­kend as Ry­an, in­ge­loop na­dat hy hul­le vir diens­te ge­na­der het.

Vol­gens een van die lood­gie­ters het Ry­an hom ge­ska­kel en ge­sê hy en sy vrou be­dryf ‘n k­lein gas­te­huis bui­te Oudts­hoorn waar hy drin­gen­de her­stel­werk aan ‘n gei­ser be­no­dig. Hy het ge­sê dat hy R10 000 be­skik­baar het vir her­stel­werk. Die lood­gie­ter het ‘n af­spraak ge­maak om na die gas­te­huis te gaan.

“Net voor­dat ek ge­ry het, het hy my ge­ska­kel en ge­vra of ek vir hom R550 se lug­tyd kan koop aan­ge­sien hy nie dorp toe kan kom nie en vir my die geld sou te­rug­gee as ek by sy huis kom,” het die man ge­sê. Hy sê dat Ry­an hom eg­ter net daar­na ge­ska­kel het en ge­vra het vir die lug­tyd se ver­wy­sings­nom­mer om­dat hy glo drin­gen­de op­roe­pe moet maak.

Vol­gens hom het hy glad nie daar­aan ge­dink dat dit moont­lik ‘n slen­ter kan wees nie en hy het die nom­mers aan Ry­an ge­gee. Hy het eg­ter be­sef hy is sy geld kwyt toe hy geen gas­te­huis kon op­spoor nie. Na­dat hy sy er­va­ring vir an­der men­se ver­tel het, het hy be­sef ‘n he­le aan­tal lood­gie­ters en gas­ver­skaf­fers is deur Ry­an in­ge­loop. Vol­gens die man is Ry­an baie oor­tui­gend.

Die Oudts­hoorn Cou­rant het Ry­an se­dert Dins­dag op die sel­foon­nom­mer wat hy aan die lood­gie­ters ver­skaf het, pro­beer kon­tak, maar die foon is skyn­baar af. Dit blyk dat Ry­an ook on­der­neem om gei­sers vir men­se te in­stal­leer, maar daar word van hul­le ver­wag om R350 as “uit­roep­kos­te” per sel­foon, aan hom oor te be­taal.

Newspapers in Afrikaans

Newspapers from South Africa

© PressReader. All rights reserved.