Ri­ool­ver­stop­ping eers­daags ver­by

Oudtshoorn Courant - - NEWS - TISHA S­TEYN

Ri­ool wat ge­reeld by man­ga­te in Lan­gen­ho­ven­straat en by om­lig­gen­de ei­en­dom­me uit­bor­rel gaan bin­ne­kort iets van die ver­le­de wees.

Die be­staan­de ri­ool­pyp wat vir die pro­bleem ver­ant­woor­de­lik is, is oud en in ’n ge­ha­wen­de toe­stand en word tans deur ’n nu­we pyp­lyn van 104 m ver­vang. Die ge­deel­te wat ver­vang word is oor­kant die graan­si­lo’s langs die trein­brug op die Ge­or­ge-pad ge­leë.

“Die ou as­bes-se­ment­py­pe het plat­ge­val,” sê Paul Mul­ler van Oudts­hoor­n­mu­ni­si­pa­li­teit se teg­nie­se af­de­ling.

Vol­gens hom is in Ju­nie van­jaar on­raad ge­merk toe ri­ool by man­ga­te in Lan­gen­ho­ven­straat be­gin op­stoot het. “Ons het ses maan­de ge­wag vir toe­stem­ming van Trans­net om die spoor­lyn, wat in on­bruik ver­val het, te ver­wy­der so­dat ‘n sloot vir die nu­we ri­ool­pyp ge­gra­we kon word.”

Nic­ky Mos­tert, van Tran­sand-kon­trak­teurs van Mos­sel­baai, het twee we­ke ge­le­de be­gin met die grond­wer­ke om ‘n sloot van 7,5 m diep te gra­we waar­in die nu­we PVC py­pe van 630 mm deur­sneë in ‘n be­to­nom­hul­sel ge­lê word.

“Die kos­te van die nu­we ri­ool­pyp tus­sen twee man­ga­te wat 104 m uit me­kaar is, be­loop R3,5 mil­joen,” se Mul­ler. “Dit klink dalk na baie geld, maar dit is ‘n uit­ste­ken­de be­leg­ging in die op­gra­de­ring van in­fra­struk­tuur wat soort­ge­ly­ke pro­ble­me vir die dorp vir ten min­ste die vol­gen­de 50 jaar sal voor­kom.”

Die nu­we ri­ool­pyp­lyn en grond­wer­ke is be­plan en word be­stuur deur Ly­ners Raad­ge­wen­de In­ge­ni­eurs van Ge­or­ge wat ‘n drie jaar kon­trak met Oudts­hoor­n­mu­ni­si­pa­li­teit het. Na ver­wag­ting sal werk aan die pyp­lyn voor Kers­fees vol­tooi wees.

Newspapers in Afrikaans

Newspapers from South Africa

© PressReader. All rights reserved.