Nuvance -meer as net groentesaad
Klein Karoo Saad Bemarking (K2 Saad) staan vandag bekend as die “alles-in-een saadverskaffer” en het tot ‘n toonaangewende onafhanklike Afrika-saadmaatskappy ontwikkel wat ‘n wye verskeidenheid gehalte saad aan produsente oor die vasteland bied. K2 Saad se huidige fokus is hoofsaaklik op die SuidAfrikaanse en SAOG-gebiede met bedrywighede in SuidAfrika, Zambië en Zimbabwe. Deur sy eienaars, Zaad Holdings, wat ook belange in verskeie internasionale saadmaatskappye het (in meer as 60 lande), is K2 Saad wêreldwyd goed verbind.
Aangesien ons voortdurend daarna streef om die besigheid te bevorder, is ons trots om u bekend te stel aan Nuvance (Edms) Bpk. Nuvance is ‘n volfiliaal van K2 Saad en beoog om sy kliënte die nuutste vordering in die bedryf te bring. Nuvance sal ‘n duidelike fokus op die verskaffing van hoë gehalte groentesaad, professionele dienste en ondersteuning aan produsente hê tot voordeel van ons huidige en toekomstige kliënte. Nuvance is geseënd met kundige werknemers met ‘n passie vir wat hulle doen - “trots van Afrika vir Afrika”.
Wedersyds voordelige verhoudings met ons belanghebbendes is noodsaaklik vir ons bestaan. Vaste verhoudings met ons verskaffers bied Nuvance ook die geleentheid om ons kliënte ‘n omvattende produkreeks te bied. Nuvance sal die enigste verspreider van groentesaad van Bejo Zaden, De Groot en Slot en sekere Seminis-variëteite in Suid-Afrika en geselekteerde gebiede wees. Met Nuvance se saad- en diensaanbod wil ons graag bydra tot die volhoubaarheid van ons kliënte, wat weer ‘n integrale rol in voedselsekuriteit speel.
Met ‘n groeiende wêreldbevolking raak die behoefte aan voedsel al hoe groter. As ‘n verskaffer van insette in die voedselproduksiesektor, glo ons dat dit ‘n opwindende sektor is, met enorme geleenthede vir ons en ons kliënte. By Nuvance belê ons voortdurend in navorsing om op hoogte te bly met die nuutste tendense en uitdagings om sodoende relevant en mededingend te bly. Om dit te bereik, het ons onlangs proewe begin in ons nuwe kweekhuiskompleks van 5 000m2. Hierdie moderne fasiliteit (saam met ‘n proefplaas naby Brits) stel ons in staat om nuwe variëteite te identifiseer en voortdurend in te stel en te verseker dat ons relevant bly deur die beste moontlike groentesoorte aan u - ons kliënte - te bied.