Eden Bestmed-straatmylreeks prysgeld R100 000
Die prysgeld van die gewilde jaarlikse Eden Bestmed-straatmylreeks beloop vanjaar ‘n allemintige R100 000. Atlete kan ‘n totaal van R8 000 wen, terwyl R2 000 op die spel is vir fietsryers.
Die beste mans- en vroueatleet sal ‘n addisionele Grand Prix-prys van R4 000 elk ontvang. In die familie-staptog afdeling sal daar ook ‘n gelukstrekking wees waar vyf persone met R1 000 kan wegstap.
Die eerste been van hierdie gewilde reeks begin op 17 Desember op Oudtshoorn. Registrasie sal ook dieselfde dag in Baron van Rheedestraat om 07:00 by Kleinplaasvakansieoord (op die stoep) plaasvind.
Dié been staan ook as die Klein Karoo Bestmed-straatmyl bekend en sluit die straatmyl, atletiek en fietsry in. Die volgende been vind op 19 Desember by die Nelson Mandela Universiteit in George plaas gevolg deur die ATKV Hartenbos-straatmyl op 21 Desember wat ook sport op die strand insluit.
Klein Karoo Atletiekfonds is die organiseerder van die toernooi onder die beskerming van Atletiek Suid-Afrika.
Die plaaslike program is as volg:
09:00 Fietsry: Seuns en dogters o.9, o.11 en o.13
09:15 Fietsry: Seuns en dogters o.15 en o.17 09:30 Fietsry: Seuns en dogters, Veterane 40+, Veterane -49,
Veterane 50+
09:45 Fietsry: Seuns en dogters Elite o.19, o.23 en Veterane -39.
10:00 Sub Junior Seuns en dogters. 10:20 Junior Dames / Dames Ope / 40+ Dames.
10:45 Junior Mans / Mans Ope / 40+ Mans. 11:00 Elite Fietsry Myl.
12:00 Prysuitdeling – Karoopot Restaurant.