Sakpas dienste
Die ontstaan van Strydom-begrafnisdienste is een van deursettingsvermoë en ‘n onwrikbare geloof dat alles op die einde van die dag sal uitwerk. So het Roann Strydom, bestuurder van dié onderneming gesê op ‘n vraag waarom sy begrafnisdienste een van die gewildste op die dorp is.
“Ek onthou dit so duidelik soos daglig toe ek in 2015 nog LLB gestudeer het en my klerkskap by ‘n prokureursfirma op die dorp gedoen het. Die salaris was maar karig en om my inkomste aan te vul het ek besluit om begrafnispolisse te verkoop.”
Hy vertel dat hy eers na talle beproewinge op sy entrepreneurskapreis uiteindelik sy eerste kantoortjie in Bridgton (Zebraweg) geopen het.
“Aanvanklik het ons harde bene gekou omdat ons nie verkoelingsfasiliteite op daardie stadium gehad het nie. Die dood diskrimineer teen geen ras of geloof nie en daarom streef ons te alle tye om innoverend te dink om die afskeidsproses van geliefdes so gemaklik en met deernis moontlik te maak.”
Vandag bedryf Strydom-begrafnisdienste tans drie volwaardige takke op die dorp asook een op Dysselsdorp en een op De Rust.
Die onderneming is in 2018 by die NFDA (National Funeral Director Association) geregistreer en is ook werksaam in die hele Suid-Kaap-streek.
Volgens Strydom is sy onderneming nie uitsluitlik op winsbejag uit nie, maar om die gemeenskap in die emosionele tyd van die dood by te staan.
Strydoms-begrafnisdienste is ook te alle tye bereid om families in die privaatheid van hul wonings te besoek.
Families van afgestorwenes hoef nie ‘n begrafnispolis te hê om van Strydombegrafnisdienste gebruik te maak nie. Indien hulle wel ‘n begrafnispolis elders het is dit ook die familie se keuse wie die begrafnis moet hanteer en nie die betrokke begrafnisondernemer waar die begrafnispolis uitgeneem is nie.
Strydom-begrafnisdienste spesialiseer
in die volgende dienste:
Verassings (vanaf R4 500) Begrafnisse ( vanaf R5 750) Begrafnispolisse Grafstene