Wie gaan All Blacks klop?
Wie gaan die All Blacks klop? Dit is die groot vraag wat op almal se lippe is nadat dié klub se A-span Saterdag in 'n SWD President s ligawedstryd op die Bridgton sportterrein' n sterk span van Spring Rose s met 27-12 kafgedraf het.
Die All Blacks het met hierdie sege sy onoorwonne status vanjaar voortgesit en spog nou met agt agtereenvolgende oorwinnings in dié liga.
Vir Spring Roses het die gevaarligte reeds begin flikker toe die swart truie 17 onbeantwoorde punte in die eerste helfte aangeteken het.
Alhoewel hierdie wedstryd in triestige weerstoestande gespeel is, het albei spanne die groot skare deurentyd op hul voete gehou met skitterende ondernemende spel. Met spogr egte wat in hierdie derby wedstryd op die spel was het gemoedere by tye hoog geloop, maar het sportmanskap op die einde van die dag geseëvier.
Spring Roses kon in die tweede helfte wel daarin slaag om twee troosdrieë te druk, maar teen daardie tyd het die swart truie se ondersteuners reeds die vreugdevure aan die brand gesteek.
Vir All Blacks het Vinchenzo Adams (skrumskakel), JP van Vught (senter) en Everton Manewil (slot) goeie wedstryde gehad. Dié span beklee tans na die eerste ronde van di eS W D President liga toernooi, die algehele tweede plek op die punteleer.
In die Karoostreek is All Blacks egter baas met 37 punte na agt wedstryde. Damon Gysman, voorsitter van All Blacks, het na die wedstryd gesê dat die spelers en af rigting skorps tevrede kan wees met wat hulle tot dusver vanjaar in dié liga vermag het.
"Ons moet egter streng daarteen waak om nie te selfvoldaan te raak nie. Dissipline is die wagwoord en ons spel moet namens ons praat," het hy gesê. Hierdie twee topspanne kom in die tweede ronde van die rugby toernooi op 6 Julie by die Bridgton sportterrein weer teenmekaar te staan. All Blacks B-span was ook aan die wenkant teen Spring Roses en het met 14-8 geseëvier.
Spring Roses se volgende wedstryd is dié naweek teen die sukkelende Adias op die Oudtshoorn sportterrein.
In 'n SWD Mic Fin Premier ligawedstryd het Bridgton rugbyklub se A-span die naweek teen Progress op George met 26-11 vas-geval.