Goed, beter, Supa Quick
Na agt jaar se puik diens groei Supa Quick steeds. Nadat Laurie en Clara Boshoff dié onderneming in 2011 op die hoek van Voortrekkerweg en Oxfordstraat begin het, het dit tot veel meer as bloot ‘n bande-onderneming ontwikkel. Volgens die Boshoffs is die hoeksteen van hulle sukses die toewyding van ‘n personeelkorps wat tans op 19 staan.
“Ons personeel voeg baie jare se ondervinding tot ons besigheid en met die groei van kundige personeel kan ons die beste diens lewer. Ons personeel is ons grootste bate,” sê Clara.
Dat hulle personeel wye ervaring het is duidelik as daar byvoorbeeld net na die vier spanlede kyk wat vir bandediens verantwoordelik is. Tussen die vier van hulle is daar 55 jaar se bandekennis: Hans Goliath (22 jaar waarvan hy agt jaar by Supa Quick is), Julie Davids (15 jaar waarvan ook agt jaar by Supa Quick). Een van die nuwe bandekenners, Elton Fortuin, het reeds 16 jaar ondervinding.
By die afdeling vir onderstelle en wielsporing het Francois Cilliers, Christo Beneke en Patrick Jantjies ook jare se ervaring waarby kliënte baat.
Die administratiewe kant van Supa Quick is in die hande van Carina Vigne wat reeds 40 jaar administratiewe ervaring het.
‘n Hele aantal lede van Supa Quick se span is ook van dag een af in diens van die onderneming. Die Boshoffs glo daarin om geld terug te ploeg in die besigheid. Behalwe dat die personeel uitgebrei is, het die perseel ook ‘n gedaanteverwisseling ondergaan soos byvoorbeeld die wagkamer wat kindervriendelik ingerig is en waar kliënte in gemak kan sit en verversings geniet. Hier is Bettie Coetzee, die langsdienende personeellid van Supa Quick, en haar span in beheer en sorg hulle dat alles netjies gehou word.
Die besigheid het ook drie nuwe verskoopspersoneellede bygekry. Nicky Matthee en sy verloofde, Elaine van der Merwe, het tussen die twee van hulle 12 jaar ondervinding in die bandebedryf en Hilaria Benedito het 11 jaar ondervinding in die motorbedryf as diensadviseur.
Supa Quick is bekend vir kwaliteitbande teen mededingende pryse, maar dit is by verre nie al nie. Benewens bande vir motors, bakkies, vragmotors, trekkers en ander implemente bied hulle ‘n uitgebreide lys van gespesialiseerde dienste soos wielsporing, wielbalansering, uitlaatstelsels, remme,on car disc skimming, skokbrekers, onderhoud aan onderstelle en batterye.
Roelando Hendricks en sy span van drie is in beheer van die karwas- en valetafdeling. Supa Quick is ook ‘n goedgekeurde handelaar vir die verskaffing van Ventersleepwaentjies en onderdele.
Dit is vir Laurie en Clara ook belangrik om in die gemeenskap te belê en betrokke te wees. Laurie is tans die voorsitter van Oudtshoorn Tafelronde 33 waar hy met passie deelneem aan gemeenskapsprojekte. Supa Quick dra ook dikwels by tot sportgeleenthede op skoolvlak by wyse van borgskappe. Die Boshoffs probeer so ver as wat hulle kan om van plaaslike diensverskaffers en handelaars gebruik te maak en doen ‘n beroep op inwoners om plaaslike besighede te ondersteun.
“Ons onderneming gaan eerstens oor ons kliënte en daarom is dit vir ons belangrik om kliënte wat ons die afgelope agt jaar lojaal ondersteun het, te bedank. Sonder hulle ondersteuning sou ons nie die afgelope agt jaar se sukses kon behaal nie,” sê Clara.
Laurie en Clara glo in persoonlike diens en is elke dag by die besigheid om kliënte by te staan. Supa Quick se perseel is by Voortrekkerweg 36 geleë en kan telefonies by 044 272 8941 en 044 272 0897 gekontak word.