Burger kook op ovaalbaan
Die afgelope naweek is die SuidKaap se grootste ovaalbaanresies, die Richard Griessen Repairs Klein-Karookampioenskappe, vir die 28ste jaar op Oudtshoorn aangebied. Sowat 126 renmotors het in 13 klasse deelgeneem.
Burger van der Westhuizen, die jong jaer van Oudtshoorn, het almal se monde laat oophang met sy vertoning in die 1660-klas met sy geleende CMS Golf. Hy het tweede geëindig in die tweede uitdun, die derde uitdun gewen van heel agter, en die finaal skitterend in die laaste draai gewen. Hy is met ’n asemrowende vertoning by die voorloper, op daai stadium Tersius van Tonder, verby deur net ‘n sekonde later op die remme te klim. Van der Westhuizen het dan ook die Bestuurder van die Dagtoekenning ontvang.
Die volledige berig, uitslae en nog foto’s is in vandag se Autodealer wat soos elke week binne die Oudtshoorn Courant is.