Visser nuwe SA o.23-fietsrykampioen
Lou is Visser van die Oudtshoorn fietsry klub het verlede Sondag Oudtshoorn se naam hooggehou toe hy die o .23 SA pad fietsry kampioenskappe b yS wadi n i Forever-oord in Mpumalanga met 'n splitsekonde gewen het. In dié wedren het hy in die kleure van TEG procycling meegeding.
Dié wedren was oor 175km beslis en die sowat 100 fietsryers moes eers 5 km vanuit Swadini met hul fietse ry voordat hulle die vyf rondtes om 'n 33 km-lange sirkelroete aangepak het.
Tydens 'n telefoniese onderhoud met die Oudtshoorn Courant het Visser gesê dat hy aanvanklik nie gedink het hy sal triomfeer nie omdat die gaping tussen hom en die wegbreekgroep-fietsryers met sowat 40 km oor, te groot was. "Ek het toe vir hierdie rede strategies besluit dat ek vir die laaste 10 km gaan wag voordat ek voluit na die eindstreep gaan sprint. Hierdie taktiek het my fietsrystyl soos 'n handskoen gepas en agt minute voor die einde het ek besef dat ek so wrintiewaar 'n realistiese kans het om te wen. Om eerlik te wees is ek baie verlig dat my tydsberekekening perfek was."
Visser het ook genoem dat hy vir die afgelope drie jaar lank reeds voorberei het om dié SA-titel op te raap. Beserings en faktore buite sy beheer in hierdie tydperk het egter sy aspirasies gekniehalter om nasionaal te seëvier, maar vanjaar het alles netjies in plek geval.
"My sege vroeër vanjaar by die die Wes Kaapse pad fietsry kampioenskappe het my selfvertroue 'n groot hupstoot gegee en ek het toe reeds geweet dat dié ontwykende SA-titel binne my bereik is. Ek kan nie wag om later vanjaar my land in Europa te verteenwoordig nie"