Vuur ver­teer huis in oog­wink

Oudtshoorn Courant - - VOORBLAD - HAN­NES VIS­SER

'n Brand wat Dins­dag­mid­dag in 'n slaap­ka­mer ont­staan het, het bin­ne mi­nu­te ver­skeie ver­trek­ke van die huis ver­woes.

Die brand by die huis van Con­roy en Jo­di Mul­der in Ja­ka­ran­da­laan, Wes­bank, het Dins­dag­mid­dag tus­sen 17:30 en 17:45 uit­ge­breek. Vol­gens Jo­di was sy in die kom­buis be­sig en Con­roy was in die mo­tor­huis. Hul­le dog­ter het bad­wa­ter ge­tap en toe sy by die bad­ka­mer uitkom het sy ge­sien 'n bed in een van die slaap­ka­mers is in vlam­me.

Sy het a­larm ge­maak en ter­wyl sy haar pa gaan roep het, het haar ma pro­beer om die vlam­me met 'n kom­bers te smoor.

"Dit het niks ge­help nie en toe Con­roy by die ka­mer kom het hy ge­sê ons moet uit, die vuur is reeds te groot."

Con­roy sê hy kan nie glo hoe vin­nig die brand­weer op die to­neel was nie. “Ek dink nie dit was eens vyf mi­nu­te nie toe stop die eer­ste voer­tuig hier.” Bu­re en om­stan­ders het ge­skok ge­staan en toe­kyk hoe die brand die voor­ste deel van die huis ver­teer en deur die dak bars.

Ver­skeie fo­to's en vi­de­os het on­mid­del­lik op Facebook ver­skyn. Vol­gens een van die brand­weer­man­ne kon hul­le die brand vin­ni­ger blus om­dat dit deur die asbesdak was. "As dit 'n sink­dak was sou die dak die brand nog ver­der deur die huis ver­sprei het." Vol­gens hom was een van hul­le eer­ste ta­ke om gas­kan­ne wat in een deel van die huis was te ver­wy­der voor­dat die brand daar­heen kon ver­sprei.

Ten spy­te van die vin­ni­ge op­tre­de is die slaap­ka­mer, gang, in­gangs­por­taal en 'n deel van die bad­ka­mer en kom­buis in puin ge­lê. Die res van die huis het ook erns­ti­ge rook­ska­de op­ge­doen.

Die ge­skok­te Mul­der-ge­sin is Woens­dag­og­gend deur vrien­de on­der­steun toe hul­le na die huis te­rug­ge­keer het om die ska­de te aan­skou. 'n As­ses­sor sou gis­ter om 11:00 die huis be­soek om die ska­de te be­re­ken, maar dit be­loop waar­skyn­lik hon­der­de dui­sen­de ran­de.

Die huis in lig­te laaie net voor­dat die eer­ste brand­weer­wa op die to­neel was. Fo­to’s ver­skaf

Fo­to: Han­nes Vis­ser

Die oor­blyf­sels van die slaap­ka­mer waar die brand uit­ge­breek het.

Newspapers in Afrikaans

Newspapers from South Africa

© PressReader. All rights reserved.