Lategansvlei-sokkerspan klop Polisiehoogte
Die o.15-seunssokkerspan van Lategansvlei het op hul tuisveld verlede Saterdag hul eweknieë van Polisiehoogte op Oudtshoorn aangedurf.
Die tuisspan het gemaklik met sewe doele teenoor een gewen. Hierdie wedstryd was die eerste wat in ses maande op diè veld gespeel was.
Famsa se uitvoerende hoof, Franzu Bardenost en Phillip Seroux van Oudtshoorn Christelike Jeugforum (OCJF), het dié sokkerwedstryd vir die kinders gereël wat na die tyd met 'n heerlike braai afgesluit is. Die dag was onder streng Covid-19-regulasies gespeel en geen toeskouers was toegelaat nie.