‘Ek het Co­vid oor­win’

Oudtshoorn Courant - - NEWS - LIEZL VAN NIE­KERK

"Ek het Co­vid-19 oor­win en ek wil hê men­se moet weet dit is nie siek­te waar­mee mens speel nie en dit is reg­tig daar. Men­se moet dit nie so lig­te­lik op­neem nie."

Dit is die bood­skap van Hans S­tof­fels (61) na hy 'n maand in die hos­pi­taal met Co­vid-19 was.

S­tof­fels is die pa van S­te­pha­ny S­tof­fels, die 28-ja­ri­ge vrou wat 'n maand ge­le­de aan nier­ver­sa­king ge­sterf het.

S­tof­fels was ten ty­de van sy dog­ter se dood in die hos­pi­taal en kon ook nie haar be­graf­nis by­woon nie.

"Dit is iets wat ek vir nie­mand kan be­skryf nie. Ek was op­ge­neem oor 'n nier­py­pin­fek­sie en skie­lik di­ag­no­seer hul­le my met ko­ro­na. Ek kon nie a­sem­haal nie. Hul­le het my op suur­stof­ma­sjie­ne ge­had. Ek het ge­hoor hoe sê die per­so­neel by die hos­pi­taal hul­le dink nie ek gaan dit maak nie."

S­tof­fels sê van sy simp­to­me was kort­a­sem, lyf­seer en hoof­pyn.

"Die dok­ters het in die hos­pi­taal vir my kom sê dat S­te­pha­ny oor­le­de is, maar ek het nie op daar­die sta­di­um be­sef nie. Ek het bly glo sy is steeds in Ge­or­ge-hos­pi­taal. My vrou het na ek ont­slaan is by my ge­sit en vir my ge­sê ons kind is dood. Ek wil hê men­se moet ver­staan dat die siek­te nie spe­le­tjies is nie. Ek het geen chro­nie­se siek­tes soos di­a­be­tes of bloed­druk of as­ma nie. Ek was 'n ge­son­de man. Ek het by die dood om­ge­draai. Dra jul­le mas­kers as jul­le rond­loop."

S­tof­fels sê ook dit is nie no­dig dat men­se 'n stig­ma kop­pel aan die siek­te nie.

"Die pro­bleem is, as men­se nie praat oor die siek­te nie, dan gaan nie­mand weet wie het dit nie. Dis nie 'n skan­de om dit te hê nie. Dit maak nie van jou 'n be­ter of 'n sleg­ter mens nie. In­teen­deel. Jy kan ie­mand se le­we red deur eer­der eer­lik te wees oor jou Co­vid-sta­tus as om dit weg te steek."

Hans S­tof­fels

Newspapers in Afrikaans

Newspapers from South Africa

© PressReader. All rights reserved.