Waarheen met jou geldsake?
Teen die agtergrond en onsekerheid van verlede week se onluste het Edward Dalton, finasiële beplanner van SFP Wealth (Succesion Financial Planning), die volgende mening wat hy met klante en beleggers in die algemeen deel:
Verlede week se grootskaalse stroopen plundertogte deur kriminele laat die vraag; Waarheen nou met jou geldsake? Die plundertogte was bloot ‘n uitbarsting van werkloosheid en is Zuma as rookskerm vir gebeure gebruik. Dit is nie ‘n eenmalige gebeurtenis nie, maar die begin van wat ek al lankal voorspel het, met die onvermoë van die land se burgers om ‘n bestaan te voer as gevolg van voorskrifte en regulasies. Riglyne wat heeltemal teenproduktief en nadelig is vir entrepreneurs en multi-nasionale groepe wat maatskappye en fabrieke wil vestig om te produseer, werk te skep en ‘n nettouitvoerland te word. Daar sal dringend gefokus moet word op werkskepping om hierdie probleem aan te spreek deur ‘n goeie klimaat te skep om groei te bewerkstellig. Die probleem word vererger deur die afwesigheid van effektiewe invloeibeheer uit buurlande. Daar moet gefokus word op ‘n sisteem van stel-SuidAfrika-eerste sodat ons hoogs opgeleide kinders wat noodgedwonge as gevolg van bemagtigingsvereistes moes uitwyk buiteland toe, weer kan terugkeer.
Dit bring ons by jou geldsake en waarheen om te gaan.
Onder die huidige omstandighede en klimaat is die beste opsie om beleggingsportefeuljes so gebalanseerd as moontlik in verskillende bateklasse te diversifiseer, met ‘n goeie buitelandse deel as groeikomponent. Dit word gedoen deur dit so likied as moontlik te maak deur middel van platforms wat reeds geskep is en vir jou geleentheid gee om in alle bateklasse met verskeie fondsbestuurders te belê. Hiervoor moet jy iemand se diens bekom om te verseker dat jy die beste fondsbestuurders in hulle bateklasse en mandate gebruik. Die persoon moet kan gewigte skuif in bateklasse met die nodige navorsing namate omstandighede en die omgewing verander en jou op hoogte hou van sy deurdagte redes.
As jy enigsins twyfel oor jou huidige beleggingsportefeulje, nader ons gerus vir ‘n tweede opinie en dienste. Dit is ook belangrik om te weet dat ons portefeuljes skep en bestuur vir die beleggers wat direk in die buiteland wil belê binne die huidige wetgewing met ervare fondsbestuurders en strukture.
Kontak SFP Wealth by 044 272 3973 of 082 770 0564 en per epos by edward. dalton@sfpwealth.co.za