Meiringspoort-wedloop gekanselleer
Die organiseerders van die Optimum Meiringspoort-wedloop het vandeesweek, na deeglike oorweging, aangedui dat die gewilde wedloop afgestel is. Een van die redes vir die besluit was dat die ramptoestand (State of Disaster) op 2 September tot 15 Oktober verleng is met vlak 3-regulasies wat steeds van krag bly. Volgens die verklaring is daar dus geen vooruitsig vir ‘n gesinsbyeenkoms op korttermyn nie.
“In hierdie omstandighede moet ons ongelukkig ons geleentheid in 2021 kanselleer. Dit is ‘n groot teleurstelling vir almal omdat dit iets is wat die gemeenskap van De Rust nie kan bekostig nie. Kom ons wees positief en vertrou dat beter tye vir ons voorlê. Ons vertrou dat daar op 8 Oktober 2022 ‘n wonderlike terugkeer na die gewilde wedloop sal wees.”