Le Roux en Smal wen gholfdag
Jan le Roux en Hannes Smal het verlede Woensdag die Oudtshoorn-sakekamer se maandelikse gholftoernooi by die Oudtshoorngholfbaan met ‘n telling van 45 punte gewen. Die pare Francois Verwey/Ettienne Roos en Chris Smith/ Ian Laubsher was met dieselfde telling onderskeidelik in die tweede en derde plekke.
Lollies van Rensburg het op die derde en 12de putjie die naaste aan die penne geslaan. Die dag het altesaam 44 spelers gelok en was in die 4BBS-formaat beslis. Spogtwees was deur Garth Matthews (agste), Luwellyn Rheeder (derde), Louis Fourie (agste) en Chris Odendaal (derde).
Altesaam 71 vrouespelers het verlede Donderdag by die Oudtshoorn Ladies At Home-gholftoernooi afgeslaan. Wanita Uys en
Ronel Westraadt was die wenners met 46 punte gevolg deur Steph Nel en Marnel Steyl wat ook met 46 punte geëindig het.
Langenhoven Gimnasium se gholfdag, wat verlede Saterdag gespeel is, het 129 spelers gelok. Jaco Swanepoel en Charl du Plessis was met 52 punte die wenners. Skillie Pretorius en sy seun Pieter, was in die tweede plek met 51 punte.
Al die gholfdae was soos gewoonlik met streng Covid-19-regulasies beslis.