Speke sing by Highgate
Die speke het die afgelope naweek behoorlik gesing by Fietsry Suid-Afrika se jeug- en transformasieontwikkelingsfees wat vanaf Saterdagoggend by Highgate-volstruisplaas plaasgevind het. Die tydtoetse het dié oggend 08:00 weggespring met die padwedrenne wat om 14:00 die middag gevolg het. Die bergfietsryers het Sondagoggend 08:00 weggespring. Die prysuitdeling het na hierdie wedren gevolg.
Bykans 150 fietsryers van Eden, Wynlande, Overberg, Wes-Kus en Sentraal-Karoo het deelgeneem.
Volgens Corné Bence, ‘n organiseerder, is die wedrenne gehou ter voorbereiding van die SA toernooi wat einde September begin. Dr. Lyndon Bouah van die Wes-Kaapse departement van sport en kultuursake was een van die hooggeplaastes wat die fees bygewoon het.
Punte behaal deur streke:
Eden - 678 punte Wynlande - 103 punte Kaapse Metro - 101 punte