Sigbaarheid grootste probleem by kruising
OUDTSHOORN - Die kruising by Baron van Reedeen Van der Rietstraat het die afgelope paar jaar bekend geword as gevolg van die hoeveelheid motorongelukke wat daar plaasgevind het.
Die Oudtshoorn-munisipaliteit het oplossings ondersoek om die hoeveelheid ongelukke daar te verminder. Die ongelukke word meestal weens swak sigbaarheid en obstruksies in die vloei van die verkeer veroorsaak.
Volgens Aurelia Mle, woordvoerder van die munisipaliteit, i s' n ingenieursmaatskappy genader en 'n volwaardige verkeer s impak ontleding en -verslag is aangevra.
Hierdie ontleding het voertuig telling-opnames, draai analise, kruisings prestasie-analise en padveiligheid s beoordeling ingesluit.
Wat kapasiteit betref, volgens die ontleding, behoort hierdie kruising geen probleme te ondervind nie en regverdig die kruising nie opgradering nie.
Die bevindinge volgens die verslag:
Verkeerstekens
Volgens die bevindinge wat aan die munisipaliteit gestuur is, is daar geen rede volgens die Suid-Afrikaanse verkeer s impak en terrein verkeer assessering: Standaarde en vereistes om verkeerstekens by die kruising aan te bring nie.
Mini-sirkel
'n Mini-sirkel is ook nie haalbaar wanneer daar na die funksie van Baron van Reedestraat gekyk word nie. Mini-sirkels word ook nie gebruik by kruisings waar meer as twee bane is nie. Mini-sirkels word ook slegs op stedelike klas 4- en 5-paaie gebruik. Baron van Reedestraat is 'n klas-3-pad.
Sirkel
Gewone padsirkels kan nie aangebring word indien daar nie genoeg spasie is nie. Een van die vereistes vir 'n sirkel is dat dit gebou moet word in ooreenstemming met die ontwerpvereistes vir sirkels. Dit is onwaarskynlik dat die Wes-Kaapse regering enige permanente maatreël sal ondersteun wat sal lei tot minder as 'n tweebaan (in elke rigting) oplossing op Baron van Reedestraat.
Beskikbare spasie is geëvalueer, en daar is onvoldoende spasie om 'n enkelbaansirkel (40 m-vereiste) of 'n dubbelbaansirkel (wat waarskynlik die ontwerpvereiste deur die regering sal wees) te akkommodeer, aangesien 'n selfs groter radius (55 m +) benodig word.
Volgens die verslag is dit duidelik dat meerderheid van die probleme by die kruising weens swak sigbaarheid as gevolg van die geboue, plantegroei en potplant strukture is.
Die oplossings
Die munisipaliteit moet so ver as moontlik skoonmaak om die sigbaarheid by die kruising te verbeter en die situasie voortaan monitor. Die munisipaliteit moet ook die verkeer s departement aanmoedig om inligting by ongelukstonele so volledig as moontlik te bekom, veral wanneer dit by die oorsaak en ligging van die ongeluk kom en ook die verkeer s departement aanmoedig om meer beheer in terme van die spoed van voertuie by die kruising toe te pas.
Volgens Justin Leasch, direkteur van infrastruktuur, is sigbaarheid die groot probleem.
"Dit is nie so eenvoudig om net 'n gebou plat te slaan nie, maar ons kyk op die stadium na ander moontlikhede soos om die bane te vernou. Die probleem is egter dat die pad aan die provinsie behoort en dat provinsie dit nie sal toelaat nie. Die provinsie het ook aangedui dat die sigbaarheid s probleem eers aangespreek moet word, dit sluit die afkap van bome in, voor hulle ander opsies gaan oorweeg."
Hy het verder gesê dat 'n publieke deelname proses oor die probleem gaan begin.