353 neem deel aan uitpaseringsparade
OUDTSHOORN - Die uitpaseringsparade van die National Rural Youth Services Corps (NARYSEC) het op 27 Oktober by Oudtshoorn-Infanterieskool plaasgevind. Die adjunkminister van landbou, grondhervorming en landelike ontwikkeling, Mcebisi Skwatsha, het die geleentheid bygewoon en toekennings aan deelnemers wat uitmuntend gevaar het oorhandig.
Die uitpaseringsparade is deur 353 NARYSEC-deelnemers bygewoon - die departement wil met die program daarna streef om die regering se dienste te verbeter.
Deelnemers het opleiding, wat gefokus het op gemeenskapsontwikkeling, leierskapontwikkeling, besigheidsbewustheid, dissipline en patriotisme, ontvang.
Wat is the NARYSEC-program?
Die NARYSEC-program is ook verbind met die departement se Comprehensive
Rural Development Programme (CRDP) wat ‘n holistiese strategie bied deur landelike gebiede te ontwikkel en jeug die kapasiteit te gee om ekonomies aktief te wees.
Die NARYSEC-program is ‘n jeugontwikkelingsprogram van DALRRD en is een van die toevoegings wat werkloosheid onder jeug in landelike omgewings bekamp.
Deelnemers tussen die ouderdom van 18 en 35 is uit vyf provinsies gekies om aan die program deel te neem.
Uitpaseringsparade
Die NARYSEC-deelnemers, is op die paradegrond, deur die Wes-Kaapse weermagorkes begelei om uiteindelik vir hul uitkeerparade aan te tree. Hulle het ook tydens die geleentheid hulle vaardighede wat oor die afgelope maande aangeleer is ten toon gestel. Verskeie toekennings is aan deelnemers, wat uitmuntend presteer het, oorhandig. Skwatsha het aan elke student wat 'n toekenning ontvang het met die woorde, "reach for your dreams," bemoedig.