Sluit aan by KKNKdistrikskomitee
Die bestuur en direksie van die KKNK het besluit om ’n distrikskomitee in die lewe te roep, om sodoende deurlopend in gesprek met die streek waarin die jaarlikse KKNK aangebied word, te kan tree.
Deelname aan die Eden-distrikskomitee is oop vir enige rolspelers, belanghebbendes en meningsvormers in die kunste, toerisme en besigheid vanuit hierdie gemeenskap.
Doel van die komitee
Die Eden-distrikskomitee is ’n komitee wat uiteindelik saamgestel word uit lede van die Eden-distrik en dien in ’n adviserende hoedanigheid vir sekere aspekte, soos nodig.
Hierdie komitee dien ook as ’n sleutelrolspeler vir kommunikasie van die KKNK en sy projekte aan belangegroepe en rolspelers in die groter Eden-distrik.
Sluit by ons aan
Die eerste geleentheid vir deelname aan gesprekke oor die KKNK Edendistrikskomitee word op Woensdag 20 September by die Queen’s Hotel by BON Hotels om 17:30 in Oudtshoorn aangebied. RSVP teen 18 September om 17:00 aanlyn by https://kknk.co.za/edendistrikskomitee-oudtshoorn/
Die tweede geleentheid vir deelname aan gesprekke oor die KKNK Edendistrikskomitee word op Donderdag 21 September by die Protea Hotel King George in George om 17:30 aangebied. RSVP teen Dinsdag 19 September om 17:00 aanlyn by https://kknk.co.za/edendistrikskomitee-george/
Vir meer inligting en navrae kontak JC Aucamp, bemarkingsbestuurder via e-pos by jc@kunste.org.za.
Meer oor die KKNK as maatskappy
Doelstelling van KKNK as hoofhandelsmerk
KKNK skep transformerende kreatiewe spasies, platforms en geleenthede wat ons gees van samehorigheid weerspieël. Ons is trots (Suid-)Afrikaans.
KKNK-fees as subhandelsmerk KKNK is ’n genotvolle fees van transformerende kreatiewe spasies wat ons gees van samehorigheid weerspieël. Ons is trots Afrikaans in die omarming van ons diverse Suid-Afrikaanse familie. Agtergrond en projekte
Sedert 1995 wil die Klein Karoo Nasionale Kunstefees (KKNK) met die jaarlikse KKNK en ander projekte, ’n opbouende bydrae tot nasiebou lewer deur ’n geloofwaardige en opregte rolspeler in die kunste te wees, deur volhoubare platforms te skep, deur innovasie, deur die bou en onderhou van netwerke, en deur die kunste te laat bydra tot ekonomiese en sosiale ontwikkeling, asook geleenthede te bied vir die oordra van vaardighede.
Die KKNK bied reeds 14 jaar
Klein Karoo Klassique (’n klassieke musiekfees) en vir die agtste jaar die bekroonde Teksmark (’n platform vir die ontwikkeling van teatertekste en skrywers) aan, vervaardig verskeie produksies in die uitvoerende kunste en beywering vir die verwesenliking van die Klein Karoo Kunste-Akademie (’n gemeenskapsontwikkelingsprojek, asook opleiding in alle kunsvorms, wat onlangs in
vergestalt is).