Wat laat ons agter?
Daar is ‘n Afrika-gesegde wat lui dat dit ‘n hele gemeenskap neem om ‘n kind groot te maak. Dit was ‘n baie waar gesegde so 100 - 200 jaar gelede en ‘n hoogs gewaardeerde praktyk as ek so rondom my waarneem dan is dit net bekommernis en teleurstelling dat ek moet erken dat dit in die meeste gevalle nie meer die geval is nie. Ek sien jong kinders van skoolgaande ouderdom wat dikwels in groepies van 5 of 7 ronddrentel en is daar ‘n opvallend groter. Ek het ’n sterk vermoede dat dit die leier van die groep is en die begin van jong bendes. Hulle word groot as bedelaars en leeglêers, dus potensiële misdadigers.
My vraag: Hoekom is hulle nie in die skool nie? Is skoolgaan dan nie verpligtend nie? Is dit nie ons ouers se plig om toe te sien dat hulle op skool is nie of is dit die departement van onderwys se verantwoordelikheid om hulle op skool te kry?
Ons het ons Erfenismaand herleef. Die grootste erfenis wat ons as ouers aan ons kinders kan nalaat is ‘n goeie Christelike opvoeding. Hoe faal ons nie ons kinders as ons hulle nie kan help om op die regte pad te loop nie. Waarheen is ons (met ons kinders) op pad as ons hulle sonder ‘n padkaart die toekoms in stuur?
Ouers kan nie hul verantwoordelikheid op die kerk of die staat afskuif nie. Van die staat gepraat. Ek blameer die staat wat die bevolkingsaanwas subsidieer deur ondeurdagte kindertoelae te betaal. Skooldogters of hulle ouers wat swanger raak, bewustelik of onbewustelik behoort eintlik beboet te word inplaas van ‘n kindertoelaag te ontvang. Waar is die tyd toe ‘n buite egtelike swangerskap ‘n skande was. Nou, so lyk dit my, is dit ‘n statussimbool. Wanneer gaan die staat se oë oopgaan en die probleem sien vir wat dit werklik is. Ons land sit met ‘n oorvloed van probleme. Die bevolkingsgroei is hoër as die ekonomiese groei.
Daar is werkloosheid. Dit is makliker om ‘n toelaag te ontvang. Die kommunistiese stelsel poog om aan burgers toelaes te verskaf en slaag daarin. Suid-Afrika beleef ‘n erge tekort aan water. In 2009 toe prof. Anthony Turton in ‘n toespraak die staat se aandag daarop gevestig het, is hy summier uit sy pos ontslaan.
Die volgende sal ‘n voedseltekort wees, veral as die regering gaan volhou met sy grondhervormingsbeleid.
Ons sal nooit genoeg skole, universiteite, gesondheidsdienste of huise kan voorsien nie. Die howe ervaar enorme druk om hofsake van diefstal, aanranding, moord, verkragting van vroue en jong kinders af te handel.
Sommige eers na etlike jare en ander nooit. Met watter erfenis laat dit ons bevolking? Kan ons huidige regering trots wees op so ‘n nalatenskap? Ons sal self moet inspring. Dit is reeds te laat wil ek byvoeg. Ons moet voor ons eie deur begin deur by ons kosbaarste besitting ons kinders. Asseblief, ek vra mooi.