Polisiebeamptes van ODN vereer
Die Tuinroete-distrikskommissaris, generaal-majoor Norman Modishana het onlangs die jaarlikse Top Cop Excellence Awards in Mosselbaai aangebied.
Burgemeester van die Oudtshoornmunisipaliteit, Chris Macpherson, sowel as raadslede verantwoordelik vir veiligheid van Mosselbaai en George, distrikskommissarisse van naburige distrikte, stasiebevelvoerders en lede wat in hul onderskeie omgewings genomineer is het die geleentheid bygewoon.
Die galageleentheid is met 'n kragtige oorgawe deur die kapelaan geopen, gevolg deur 'n verwelkomingstoespraak deur raadslid Leon van Dyk van die Mosselbaaimunisipaliteit.
Genl.maj. Modishana het sy hartlike dank aan alle lede oorgedra. Hy het die geweldige trots wat hy het vir die hardwerkende, lojale en toegewyde SAPD-lede in die distrik herhaal. Hy het ook die eksterne vennote bedank vir die waardevolle rol wat hulle speel in die bekamping van misdaad.
Lede van Oudtshoorn wat toekennings ontvang het was:
Senior Bestuurder: Operasioneel (vlak 13-15)
Brig. Susanna Crafford, stasiebevelvoerder van die Oudtshoorn-polisiestasie
Vangs van die Jaar
Ao. John-Marcel Muller en konst. Ruan
Kennard, van die Tuinroete-blitspatrollie. Dié twee stuks het ook in November die Vangs van die Jaar-toekenning tydens die Wes-Kaapse 2022/2023 Uitnemendheidstoekennings ontvang. Die toekenning is ontvang vir 'n arrestasie wat in Desember 2022 gemaak is na hulle, en ander lede van die blitspatrollie, die beweerde misdadigers in die Avontuuromgewing vasgetrek het. 'n Heen-enweer skietery het tussen die polisie en die beweerde misdadigers ontstaan en een van die verdagtes is noodlottig gewond.
Vispol-span: Tuinroete-distrik se misdaadbekampingspan