Bestuur van Wesbanktennisklub herkies
Die bestuur van die Wesbank-tennisklub is tydens die klub se onlangse algemene jaarvergadering eenparig vir nog ‘n jaar herkies.
Die bestuur vir 2024/25 is Louis Uys (voorsitter), Louis Pienaar (ondervoorsitter), Theunis Kruger (tesourier), Danie Steyl (sekretaris), Dirk Potgieter, Hanlé Kok, Pieter van der Walt en Kobus Diepraam (bykomende lede).
Uys het in sy voorsittersverslag die bestuur bedank vir hul toewyding en dat hulle sonder vergoeding hul vrye tyd opoffer om aandag te skenk aan die sake van die klub.
Uys het die twee afrigters, Pieter van der Walt en JK Koch bedank vir hul positiewe bydrae om tennis onder jongmense aan te moedig en sodoende ook belangstelling in die klub se aktiwiteite te bevorder.
Hy het ook vier klublede wat onlangs gekies is om vir Suid-Afrika in wêreldtoernooie te gaan speel, gelukgewens.
Jacques de Beer en Rida Bester is gekies om in April in Mexiko, en Elmarie Lategan en Garnett Wicomb om in Maart in Turkye aan die Wêreld meesterstennistoernooi te gaan deelneem.
Ledegeld vir 2024/25 moes noodgedwonge verhoog word.
Gevolglik is ledegeld vir volle lede van R1 300 na R1 400 per jaar verhoog. Ledegeld vir diegene bo 70 jaar van R600 na R650, gesinspakkette vanaf R750 na R800, terwyl juniors se ledegeld onveranderd gelaat word op R400 per jaar en aansluitingsgeld R250.
Die klub het sosiale tennis op Woensdae, as gevolg van te min spelers wat daaraan deelneem, gekanselleer en ook speelfooie vir Saterdae van R20 tot R30 verhoog.
Die koste vir besoekers bly onveranderd op R30 per speler per dag.
Belangstellendes wat by die klub wil aansluit kan die voorsitter by 082 835 8555 of die sekretaris by 078 469 3727 skakel.