Nuwe Ford Territory
Die splinternuwe Ford Territory sportnutsvoertuig is verlede Saterdag te midde van luide applous by Oudtshoorn Ford in Voortrekkerweg bekendgestel. Verskeie kliënte en gaste, waaronder die burgemeester van Oudtshoornmunisipaliteit, Chris Macpherson, het die geleentheid bygewoon.
Die verkoopsbestuurder van Oudtshoorn Ford Dirk Olivier, het in sy verwelkomingstoespraak gesê die nuwe Territory se progressiewe ontwerp, slim tegnologie en gesinsvriendelike eienskappe is indrukwekkend.
Die Territory is Ford se robuuste nuwe mededinger in die vyfsitpleksportnutsvoertuig-kategorie wat uitsonderlike styl, ruimte, gerief en tegnologie bied.
Die voorwielaangedrewe Territory spog met 'n 1.8-liter viersilinder EcoBoostpetrolenjin wat 138kW en 318nM lewer en 'n sewespoed-dubbelkoppelaar-ratkas.
Van sy ander aantreklike eienskappe sluit in 'n panoramiese sondak wat afgewerk is deur drywende agterste-pilaar-grafika en bydra tot die vaartbelynde voorkoms van die voertuig.
Dan is daar ook die indrukwekkende 3D LED-ligte, 19-duim bande met aluminium wiele, vier verskillende bestuurmodusse, outomatiese aanskakel/stop-tegnologie, koordlose selfoonlaaier, dubbele sone lugversorging, ruim agtersitplekke met oorgenoeg beenspasie, elektroniese rem vir parkering, sowel as 'n roterende 'e-shifter' ratkaskontrolleerder.
Een aspek wat beslis uitstaan is die 12-duim digitale-spoedpaneel met talle verskillende funksies - iedereen digitaal.
Die drie Territory modelle is as volg geprys: Ambiete - R576 000; Trend - R632 600 en Titanium - R707 000.
Tydens die bekendstelling is gaste met heerlike versnaperings getrakteer en het almal die geleentheid gebruik om die aanskoulike Ford Territory van nader te besigtig.
Vir enige inliging of om 'n toetsrit te reël, skakel Oudtshoorn Ford by 044 272 6168.