Oudtshoorn, All Blacks, Bridgton en Harlequins aan die wenkant
Oudtshoorn-rugbyklub het die afgelope naweek vir Adias van Volmoed in 'n Eerste Liga B-Oos wedstryd net-net met 21-20 verslaan, nadat die besoekers teen rustyd met 10-6 voorgeloop het.
Die wedstryd was by die Oudtshoornsportgronde gespeel. Oudtshoorn se twee drieë was deur die skrumskakel, Charl Marais, en agsteman, Jaco Marx, gedruk. Die vleuel, Jaco Pretorius, was in die kol met drie strafskoppe en een doelskop.
Oudtshoorn se B-span het Adias met 8-7 geklop.
Super A-liga
Harlequins Magte-rugbyklub het na Plettenbergbaai gereis waar hulle Jaquars in die Crags aangedurf het. Die tuisspan het met baie moed gespeel, maar die soldate was net te sterk en het uiteindelik met 24-20 geseëvier. Harlequins se jong opwindende heelagter het weereens sy ontsagtlike talent onderstreep met sy drie doelskoppe, een strafskop en een drie wat hy gedruk het.
So het die res van Harlequins se spanne gevaar: Jaquars B klop Harlequins 14-0
Jaquars C klop Harlequins 20-19
Bridgton-rugbyklub
Bridgton-rugbyklub se A-span het verlede Vrydagaand in 'n volgepakte Bridgton-sportterrein vir Progress met 32-13 oordonder. Die rustydtelling was 18-3. Die span se uitblinkers was die veteraan Wayne Julies en Marshall Prins wat beide twee drieë gedruk het. Jehovan Johannes was in die kol met drie doelskoppe en twee strafskoppe.
Bridgton se B-span het gelykop gespeel met 10 punte elk terwyl hul C-span automaties vyf punte verdien het omdat hul teenstanders laat opgedaag het.
Super B-liga
All Blacks het verlede Saterdag by die Bridgton-sporterrein vir Uniondale met 28-27 geklop. Soos die telling aandui, was hierdie 'n klipharde wedstryd met selfs die rustydtelling wat slegs 14 -12 was in die tuisspan se guns. All Blacks se drieë was deur Nathan Baartman en Waythlin Lee Campher gedruk. Larry Paulse was suksesvol met ses strafskoppe.
All Blacks B-span wen 23 -7.