Collegians seëvier oor All Blacks

Collegians-rugbyklub se A-span het verlede Vrydag in 'n SWD Super B-liga wedstryd vir All Blacks met 19 - 15 geklop nadat die manne in swart teen rustyd met 15 - 12 voorgeloop het.

Hierdie plaaslike derby het groot getalle toeskouers gelok wat verantwoordelik was vir 'n feestelike atmosfeer wat regdeur die wedstryd geheers het.

All Blacks het eerste punte aangeteken toe hul linkervleuel oorgeduik het vir 'n onverdoelde drie. Met die inskop het All Blacks se Danovan le Roux 'n drie onder die pale gedruk met Roberto Botha wat suksesvol was met die doelskop.

Beide spelers het verlede jaar nog vir Collegians gespeel. Telling 12 - 0.

Collegians het onmiddellik teruggeslaan en met vloeiende samespel tussen die voor- en agterspelers, 'n verdoelde drie van hul eie gedruk. Hierdie positiewe spel van Collegians was net die nodige doepa vir hul selfvertroue en het hul aanval op aanval geloods.

All Blacks se verdediging is uiteindelik getroef wat gelei het tot 'n tweede verdoelde drie vir Collegians. Telling 12 - 12.

Net voor rustyd het All Blacks 'n strafskop oorgeklits wat die rustydtelling op 15 - 12 te staan gebring het.

In die tweede helfte het beide spanne verwoed aangeval, maar sonder sukses. Tien minute voor die einde van die wedstryd het Collegians se volgehoue druk vrugte afgewerp en is hulle welverdiend beloon met 'n verdoelde drie. Telling 19 - 15.

All Blacks het alles in hul vermoë gedoen om die klein agterstand uit te wis, maar tevergeefs.

Collegians se puntemakers

Hedley Koelman, Jandrè Murphy en Angelo Oosthuizen het elkeen een die gedruk. Mercavin le Roux het twee doelskoppe oorgeskop. Roberto Botha was in die kol met 'n doel en strafskop.

SWD Eerste liga B-Oos

Oudtshoorn-rugbyklub se A-span het Spring Roses by die Oudtshoornsportterrein met 26 - 20 geklop. Hul B-span was ook met 24 - 10 aan die wenkant.