SA Jeugfietsrykampioenskappe binnekort in Oudtshoorn
Fietsry Suid-Afrika het onlangs aangekondig dat die 2024 nasionalejeugfietsrykampioenskappe in Oudtshoorn vanaf 27 tot 29 September aangebied sal word.
Die tydtoetsbyeenkoms sal die skilderagtige Cango Caves-roete deurkruis, wat 'n uitdagende, dog asemrowende baan vir mededingers bied. Vanjaar is die sesde agtereenvolgende keer dat hierdie kampioenskappe in Oudtshoorn aangebied sal word.
Die kriterium-wedloop sal by die Oudtshoorn-gemeenskapsaal wegspring om te verseker dat fietsry in die hartjie van die gemeenskap aanskou kan word.
Corné Bence, een van die organiseerders en deurwinterde sportadministrateur, het gesê dat Eden-fietsry geëerd voel om vanjaar se nasionale jeugfietsrykampioenskappe in Oudtshoorn aan te bied.
“Vanjaar is ons opgewonde om fietsry nader aan die gemeenskap te bring deur wedrenne op toeganklike plekke aan te bied. Ons glo dat deur by die plaaslike gemeenskap betrokke te raak, ons meer jong individue kan inspireer om die sport te omhels en sodoende aktiewe en gesonde leefstyle te lei.”
Die padwedrenne, teen die pragtige agtergrond van die Swartberge en Kango-grotte, sal 'n unieke roete bied wat deelnemers met meer klimgeleenthede sal uitdaag.
Die kampioenskappe sal kategorieë vir jong ruiters van o. 11, o. 13, o. 15 en o. 17 insluit om te verseker dat die byeenkoms aan 'n diverse reeks talent en ouderdomsgroepe voldoen.
Inskrywingsfooie vir die jeugfietsrykampioenskappe is soos volg: kriterium - R200, tydtoets - R200 en die padwedren - R200.
Deelnemers kan aanlyn registreer by www.cyclingsa-events.co.za.