Drankverkope by skole lig wenkbroue
WES-KAAP Die goedkeuring van die provinsiale Wysigingsontwerp op skoolonderwys met insluiting van drankverkope by skole het wenkbroue laat lig.
Die Wes-Kaapse minister van Onderwys, Debbie Schäfer het op 4 Julie aangekondig dat die wetsontwerp goedgekeur is. Dié wetgewing rakende drankverkope by skole is na aanleiding van openbare kommentaar en voorstelle gewysig. Skole sal voortaan skriftelik kan aansoek doen om drank tydens skoolfunksies te mag verkoop. Die toestemming is aan voorwaardes onderworpe en kan, indien nie nagekom nie, teruggetrek word. Wysigingswetsontwerp op
skoolonderwys
• Die daarstelling van ‘n evaluerings owerheid wat bekend sal staan as die Wes-Kaapse Skole-evaluerings owerheid.
• Die spesifieke voorsiening vir samewerkingskole en skenker befondse skole.
• Die vestiging van intervensie fasiliteite vir leerders wat weens ernstige wangedrag skuldig bevind is as alternatief vir uitsetting.
• Voorsiening vir die aanspreek van beperkende wetgewing rakende die verkoop en die verbruik van alkohol op skoolpersele.
•Dié skole-evaluerings owerheid sal skole onafhanklik evalueer en skool evaluerings verslae ontwikkel. Die inligting sal vir ouers en gemeenskappe beskikbaar wees.
Volgens Schäfer het dié projek die departement nie geld gekos nie. “Ons het privaat befondsing hiervoor bekom. Hiervoor is ek baie dankbaar, veral in die huidige finansiële klimaat.
“Ek is vol vertroue dat dit ‘n beduidende verskil in die verbetering van onderwys in die Wes-Kaap sal maak. Ons het die model in 42 skole in die provinsie uitgerol en baie positiewe terugvoering ontvang. As provinsiale regering het ons aanspreeklikheid, deursigtigheid en innovasie as belangrike eienskappe geïdentifiseer en ons wetgewing moet dit ook weerspieël.”