Funksie ten bate van hospitaal
RIVERSDAL Die Riversdal-hospitaalraad bied ‘n fondsinsamelingsfunksie aan op Vrydag 23 Februarie om 18:30 in die NG Kerk Riverdal-Wes se saal.
"Die funksie is vir die verbetering en verfraaiing van die sale en ablusiegeriewe van pasiënte, asook sekere behoeftes van die personeel," verduidelik die voorsitter van die raad, Jennifer Hartnick. Die gemeenskap word uitgenooi om hierdie inisiatief te ondersteun. Kaartjies sluit ‘n buffet-ete, musiekvertoning en gelukstrekkings in. Kaartjies is beskikbaar by Pieter April, dr. Van Tonder, dr. Kleynhans (hospitaal), asook past. Pietie Pieterse en ds. Deon Beyers.