Spoedige diens deur die Mosselbaai-munisipaliteit

Dinsdag het ek ’n e-pos aan die munisipaliteit gestuur en dit aan hulle genoem dat Reebok Village Estate ’n ruk gelede ’n toegangspad toegemaak het as deel van hulle sekuriteitsoord.

Die pad is toegemaak met ’n swart omheining sonder dat daar enige padteken aangebring is om motoriste te waarsku dat dit toe is. In die nag is die versperring byna onsigbaar en bestaan die gevaar dat iemand daarin kan vasry. Die munisipaliteit is versoek om aandag daaraan te gee.

Vrydagoggend toe ek daar verbyry, merk ek op dat die nodige padteken opgerig is soos wat versoek is. Dit maak mens regtig trots om in ’n dorp te bly waar sulke goeie diens nog verkry word.