Riversdal-ster in Mauritius bederf
RIVERSDAL- Willem Botha, die bekende en gewilde Riversdal-boorling, het sy 37ste verjaardag (17 April) verlede week met ‘n bederfvakansie in Mauritius gevier.
“Wat ‘n opwindende wegbreek! Ek was oorweldig met verjaardagwense uit Suid-Afrika!” klik hy aan Suid-Kaap Forum. “World Leisure Holidays en die Sugar Beach-hotel het my met hul gasvryheid geseën. In my kamer was daar ‘n ‘verjaardagkaartjie’ uit die oord se dryfhout geskep. Ek was omring deur ballonne en geskenke en is boonop van kop tot toon ‘gemassage’ en ‘ge-groom’. Ek het die mooiste en lekkerte sjokolade-verjaardagkoek gekry en is met ‘n gourmet-maaltyd op die strand bederf!”
Willem het nog nooit voor ‘n uitdaging gebuig nie. Hy durf toe ook ‘n parfuummaakkurses op die eiland aan en hy het ‘n sertifikaat vir sy nuutskeppinggeur verwerf! “Dit is ‘n proses wat soms tot twaalf jaar kan duur om te vervolmaak. Ek het egter binne twee uur ‘n geur geformuleer wat by my persoonlikheid pas; nie omdat dit so maklik is nie, maar omdat ek soos ‘n leeu in die nag kan ruik! Ek stel dus bekend: L’Elu, oftewel - the chosen one.”
Helaas: hy gaan dit nie bemark nie en dit sal nêrens beskikbaar wees om self te gebruik nie. “Dit is ‘n ongelooflike geur en jy sal dit ruik as jy my in 'n supermark of by ‘n vertoning raakloop.”
Willem is ‘n oud-leerder van die Hoër Landbouskool Oakdale. Hy het hom sedertdien as ‘n suksesvolle entrepreneur gevestig en welslae as ‘n bekwame sanger, akteur, TV-aanbieder, fotograaf en skoonheidskundige verwerf.
“Ná dese sukkel ek om te ruik, maar dit was ‘n flippen cool experience om jou eie parfuum te ontwerp. Ek sal dié Mauritiuservaring nooit vergeet nie en ek gun dié geskenk aan myself, maar ek mis regtig my geboortedorp en my geliefde mense!” erken Willem.
Willem deel ‘n paar vakansiefoto’s met