’n Hondelewe
Tiekie gaan oral saam in die baba se drasak. – Ingrid Lombaard, Wolmaransstad
Waar hou ons piekniek?
Dolcé, ’n Birmaanse kat, is gereed om die pad in styl te vat! – Leanne Kay, Port Elizabeth
Grootte maak saak
Linda Strydom van Centurion skryf Hoe weet ek of my hond en kat ’n gesonde gewig het en hoe belangrik is dit eintlik?
Dr. Guy Fyvie, veeartsenykundige raadgewer vir Hill’s Pet Nutrition, antwoord Vetsug is een van die algemeenste dieetsiektes onder troeteldiere en verhoog hul risiko vir hartsiektes, diabetes, veltoestande, kanker en gewrigsiektes. Navorsers het bevind honde by hul optimum gewig lewe minstens twee jaar langer en is ook gelukkiger; volgens een studie ervaar vetsugtige honde meer lewenskrag en minder emosionele versteuring en pyn nadat hulle gewig verloor het.
Min mense is objektief oor hul eie troeteldier se gewig. Gewigstoename gebeur gewoonlik geleidelik en dis maklik om gewoond te raak aan die ekstra kilo’s. Wees op die uitkyk na die volgende: • Die ribbetoets Kan jy maklik jou troeteldier se ribbes onder die vel voel wanneer jy oor sy of haar sy streel? • Die boaansig Het jou hond ’n maklik onderskeibare middellyf wanneer jy van bo kyk? • Die syaansig Is daar ’n abdominale holte naby die agterbene? Oorgewig troeteldiere se maagprofiel is plat of bultend. • Is daar enige vetneerslae aan die basis van die nek of stert? Troeteldiere by hul ideale gewig het duidelike spierdefinisie en jy kan die stertbasis se bene voel. • Is jou troeteldiere geneig tot
en/of
Besoek petslimmer.co.za vir nuttige wenke oor hoe om jou troeteldier se ideale gewig te bereken of maak ’n afspraak by ’n deelnemende Hill’s Pet Slimmer-praktyk (sien petslimmer.co.za); hulle kan ’n akkurate assessering maak en aanbeveel hoe jy jou troeteldier weer ’n gesonde gewig kan help behaal.