Deon se Loxtontuinontwerp
• Oorhoofse tema
Deon se benadering was om dit klassiek en hoekig te hou. Hy som dit so op:
Ouwêrelds en/of oudorps. Formeel gestruktureer, met die klem op ornamentele en nuttige plante wat jou sintuie oorrompel. • Sy benadering Eenvoudige, aardse Karoo-eenvoud. Skoon, rustige lyne met massa-aanplantings van dieselfde soort. • Plantkeuse Karoo-, Mediterreense en halfwoestynplante. Inheems en uitheems.
Verskillende kamers
• Die vertoontuin ( sien skets oorkant) is aan die straatkant – ’n klein, vierkantige grasperk met twee skadubome (teen die inrit) en tuinmeubels wat jou innooi. Daar is ’n verskeidenheid blaarkleure, teksture en seisoenale blomme wat die omringende bedding vul. ’n Paadjie stuur die oog dwarsdeur die middellyn van die erf tot in die agterste “kamer”, die ontspanningstuin. • Die funksionele tuin is die middelblok wat dien as agtergrond vir die vertoontuin. Hier wou hy die indruk skep van formeel aangeplante vrugte- en groentebeddings. Nuttige en bruikbare plante vul dié deel van die tuin. • Die ontspanningstuin: Dié stuk tuin is die agterste blok van die werf, met die peerbome as agtergrond. Bypassende tuinmeubels en skoon, rustige lyne gee die toon aan. Hier is privaatheid die hoogste prioriteit, ’n plek waar jy die natuur kan inneem. • Die sykamers of deurloop-gange: Aan die skaduryke noordekant van die erf staan massas skaduliewende plante. Die opslag-peerbome skep ’n ritmiese effek wat kalmte bring. Deon het dieselfde effek aan die warmer suidekant van die werf verkry met sipresse, massas vygies tussenin, asook blom-artisjokke. • Die agtertuin of braaistoep (klein blok agter die huis): Dié deel is omhein met ’n soutbosheining, en hier geniet Deon die winterson en kan hy braai.
Sementoppervlakke is doelbewus vermy, en skalieklip en -gruis – eie aan die Karoo – is gebruik. >>