Eiervrug-“calzone”

’n Calzone (meervoud “calzoni”) is ’n toegevoude pizza met ’n vulsel, en die naam beteken “broekspyp”, waarskynlik weens sy vorm. Gebruik klaargekoopte pesto as die tyd knyp.

Genoeg vir sowat 18 calzoni Bereidingstyd: 45 minute Gaarmaaktyd: 40 minute

• 3 middelslag-eiervrugte (groot genoeg om 6 skywe van 5 mm in die lengte af te kan sny) • 1 middelslag-botterskorsie, geskil en in dun skyfies gesny • olyfolie • 9 bocconcini-mozzarellaballetjies, in twee geskeur • 18 basilieblare ROOISOETRISSIE-PESTO • 2 rooi soetrissies, gerooster en velletjies afgetrek • 5 songedroogde tamaties in olie • 1 brandrissie (of na smaak), gekap • 3 ml elk paprika, komyn en koljander • 50 ml geroosterde kasjoeneute, gekap • sowat 5 ml sout of na smaak • olyfolie

1 Verhit ’n riffelpan en rooster die eiervrugskywe tot gaar. Geur met sout en peper en besprinkel die warm skywe met ’n bietjie olyfolie. 2 Pak die botterskorsieskywe op ’n bakplaat, besprinkel met sout, peper en olyfolie en rooster onder ’n voorverhitte roosterelement tot gaar en goudbruin alkante.

Verwerk al die bestanddele behalwe die olyfolie saam tot gemeng en klam dit aan met ’n bietjie olyfolie.

Sit ’n lepel pesto, ’n skyf botterskorsie en ’n stuk mozzarella op elke eiervrugskyf, vou toe en garneer met ’n basilieblaartjie. >>