Só kry jy ’n ingeleefde voorkoms
Michael Street van Stretford Holdings, wat baie van die Turners se meubels gemaak het, vertel hoe jy die huislike gevoel kan skep wat Sharon en Mickey vir hul nuut opgeknapte huis wou hê: Herwin Hergebruik verweerde materiaal soos bouhout of steierplanke. Die natuurlike verwering weens die bouproses skep wonderlike kontras met vars, nuwe oppervlakke soos ’n wit sementvloer.
Afwerking Min metale vaar goed langs die kus; daarom is vlekvrye staal dikwels die eerste keuse. Maar ek verkies gegalvaniseerde staal omdat dit gou verdof en verweer lyk sonder dat sy korrosiebeskerming in die slag bly. Die mat tekstuur gee ’n sagter voorkoms.
Hergebruik Ek het ’n staalloodgieterspyp gebruik om die voordeur se handvatsel te maak en dit toe aan die natuur oorgelaat om die patina te gee. Die handvatsel lyk heeltemal tuis op die deur omdat jy kan sien wat dit eers was én sy nuwe doel verstaan.
Kleur Ons het verskillende gryse by ’n dofwit basisverf gevoeg en die laaghoutmeubels daarmee gekleurwas vir ’n nerf-af voorkoms. Van die meubels se gegalvaniseerde rame is ’n ruk lank buite gelos om te verweer.
Los dit net so Die binne- en buitedeure is gemaak van grofgesaagde eikehoutplanke, met versteekte laaghout vir stabiliteit hier aan die kus. Dit lyk dus nie asof dit in ’n fabriek gemaak is nie.