Oulike geskenke
Deur die blare
Gizmo is klein genoeg om sy lyf boomversiering te hou! – Ilsa Adlem, Stellenbosch
Die beste man vir die taak
Sochi deel graag geskenke met die kinders. – Karoline Watson, Durbanville
Al is jou benadering tot die blawwery prysenswaardig, is dit heeltemal moontlik dat jou hond inderdaad geleer het hy word beloon vir sy geblaf. Die heel beste sal wees as jy ’n afspraak met ’n gekwalifiseerde dieregedragskenner kan maak omdat ’n verskeidenheid faktore ’n invloed kan hê. Hou die volgende punte in gedagte: • Oorweeg ’n alternatief wat lekkerder is as om by die hek te gaan blaf, soos interessante speel- of kougoed. • Meer fisieke aktiwiteite sal hom moeg maak; gereelde stappies kan dus ook help. • Die geheim is nie om hom te keer wanneer hy reeds begin blaf het nie, maar om sy aandag op iets anders te vestig vóór hy begin blaf. • Daarmee saam moet jy die stimulus vir die blawwery probeer bepaal en iets daaromtrent doen – as dit visuele stimuli is wat hom laat blaf, moet jy sy uitsig probeer versper. In sommige gevalle is dit weer beter om hom meer te laat sien wat buite aangaan – hou hom fyn dop en probeer bepaal wat dit is wat hom motiveer om te blaf en onder watter omstandighede hy stil is. • Dan is dit ook moontlik dat hy ’n oorimpulsiewe hond is, en daarvoor kan medikasie help. • Vermy enige vorm van straf, aangesien dit nie die oorsaak van die probleem aanroer nie en meer geneig is om die probleem te vererger. KONTAK sava.co.za Die eienaars van die diere wie se foto’s hier verskyn, wen ’n ekstragroot Lazy Lounger vir honde of ’n middelslag-Cupcake-bed vir katte van Wagworld (wagworld.co.za). Die skuim-binnekant maak die Lazy Lounger perfek vir ’n heerlike middagslapie of nagrus, terwyl die Cupcake-bed, met snoesige kunspels aan die een kant en koel katoen aan die ander kant, geskik is vir alle seisoene. Albei is by veearts- en troeteldierwinkels te kry. Stuur jou foto’s (minstens 2MB elk) en kontakbesonderhede na Sien ons kompetisiereëls op bladsy 129.