Komkommerkoel

Lily White van Johannesburg skryf Ek maak graag peuselhappies vir my honde; het julle ’n resep vir iets koels vir die warm somerdae?

Sr. Valdette Muller, eienaar van die aanlynwinkel shingavet.co.za, antwoord Net soos ons geniet ons vierpootkinders dit ook om aan iets koels te knibbel. Hier’s vir jou ’n maklike yslollie-resep: Wat jy nodig het • ’n wortel, gerasper (dit sal die water geur en die ys ’n mooi oranje kleur gee) • ’n appel, gerasper • hondebeskuitjies van jou (of jou troeteldier se) keuse • hoenderaftreksel met ’n lae soutinhoud • water • waterbestande speelgoed Metode

1 Sny ’n gat in die deksel van ’n leë plastiekhouer soos ’n margarienbak – net groot genoeg dat die steel van ’n houtlepel daardeur kan glip.

2 Meng die wortel, appel, koekies en aftreksel met net genoeg water om die plastiekbak te vul.

3 Sit die speelgoed en houtlepel ook in die bak. Maak die deksel toe, met die houtlepel se steel wat by die gat uitsteek. 4 Sit in die vrieskas om te vries. 5 Wanneer dit heeltemal bevrore is, haal die deksel af, draai die “lollie” onderstebo en druk die houtlepel se steel in die gras.

6 Haal die plastiekbak af – en nou kan die pret begin! Die ys en speelgoed sal jou troeteldier ure lank besig hou, en terselfdertyd lekker afkoel.

KONTAK shingavet.co.za