Kofta met tzatziki

“Met die afsterwe van my ma se suster, Tannie Tilly, het die familie ’n spesiale resepteboek gemaak met al ons gunstelinge, ook kofta, en staaltjies wat aan haar herinner. Die kofta haal amper nooit die tafel nie – dís hoe lekker dit is,” sê Ramona. Lewer sowat 18 Bereidingstyd: 20 minute, plus 1 uur staantyd en 2 uur afkoeltyd Gaarmaaktyd: 15 minute

• 500g maer maalvleis • 1 groot ui, fyngekap • 1–3 knoffelhuisies, fyngekap • ¼ teelepel fyn gemmer of 1cm vars gemmer, geskil en gekap • 3 snye brood, gekrummel • sowat 60ml platblaarpietersielie, gekap • sowat 30ml vars ment, gekap • vars rissie, gekap (opsioneel) • olie vir vlakbraai TZATZIKI • 1 groot komkommer, fyngerasper • 1 knoffelhuisie, fyngekap • 250ml dik, ongegeurde jogurt • 10ml fyngekapte ment • sap van 1 suurlemoen • ’n skeut olyfolie

1 Maak die tzatziki Strooi 1 teelepel sout oor die gerasperde komkommer. Laat dit sowat ’n uur in ’n vergiettes staan om die water uit te trek. Druk al die ekstra vog uit en meng met die res van die bestanddele. Verkoel vir 2–3 uur voor jy dit voorsit.

2 Vir die kofta, verwerk al die bestanddele, behalwe die olie, in ’n voedselverwerker. Rol met nat hande in balletjies en vlakbraai in olyfolie in sarsies tot goudbruin oraloor. Dreineer op kombuispapier en sit voor met die tzatziki en ekstra suurlemoenskywe.