WEN ’n LG-yskas en -skottelgoedwasser van R47 998!
Een gelukkige leser gaan ’n LG-yskas en -skottelgoedwasser ter waarde van R47 998 losslaan!
Sedert sy stigting in 1958 dwing LG Electronics sy status af as internasionale maatskappy aan die voorpunt van die gevorderde digitale era. Jou kombuis kan nou mooier as ooit lyk danksy die LG InstaView Door-in-Door-yskas (R34 999). Dit spog met ’n romp van vlekvrye staal en ’n tekstuurryke staalafwerking; laasgenoemde is ’n voortreflike buite-ontwerp wat die minimalistiese styl tot nuwe hoogtes voer.
Buiten ’n gevorderde lineêre wisselrigter-kompressor het dit ook ’n spieëlglaspaneel wat met twee vinnige tikkies verlig sodat jy binne-in kan loer sonder om koue lug uit te laat. Die ColdSaver-paneel wat as versperring tussen die binne-kompartement en die res van die yskas optree, laat jou toe om jou gunsteling-items in te sit en uit te haal sonder dat jy die hele yskas hoef oop te maak; dit hou kos varser en verminder die verlies van koue lug.
Die moderne LG QuadWash-skottelgoedwasser (R12 999) met innoverende SmartThinQ-tegnologie is ook ’n welkome toevoeging tot enige kombuis. Danksy spuitarms met veelvoudige bewegings en hoëdruk-strale maak dit deeglik skoon. Die aanpasbare EasyRack Plus vergemaklik die inlaai van skottelgoed, ongeag wat jy wil was.
Met minder bewegende dele verseker LG se Inverter Direct Motor betroubare verrigting van een van die stilste skottelgoedwassers in sy klas. En danksy Dual Zone Wash kan jy jou fyn breekgoed en swaardiens-skottelgoed soos potte en panne gelyk skoon kry. Die temperatuur tydens die spoelsiklus bereik tot 80 °C vir uitstekende higiëniese sorg.
Besoek lg.com vir nog inligting.