Junie-flitse
13: Geniet sjef Ivor Jones en sy span se jaarlikse Chefs4Soil-ete by die Chefs Warehouse Beau Constantia in Kaapstad. Die opbrengs word gebruik om werklose mense in lae-inkomstebuurte te help om hul eie kos te kweek. Kaartjies kos R1 600 per paartjie. Skakel 021 794 8632 om te bespreek.
14–17: Put inspirasie uit ’n verskeidenheid handwerk – van weef en verf tot beeldhou en plakboek maak – by die jaarlikse Art and Craft Ramble op Wakkerstroom. Besoek artramblewakkerstroom.co.za vir besonderhede oor slypskole en demonstrasies. 15: Kies koers na die Franschhoekkelder vir vanjaar se Franschhoek Winter Wines waar jy van die seisoen se beste rooiwyne saam met hartlike winterkos kan geniet. Koop kaartjies by webtickets.co.za teen R295 per persoon; skakel 021 876 2861 vir nog inligting.
15–16: Bederf jou pa dié Vadersdag by die SAB World of Beer in Newtown, Johannesburg. Jy’t ’n keuse van drie pakkette, met aktiwiteite soos biertoere en -proeë, kroegetes, geskenke en meer. Pakkette begin by R400 per persoon. Besoek worldofbeer.co.za of skakel 011 836 4900 vir besonderhede. Jeug- en Vadersdag! 16: Julie se Tuis is op die rakke 18:
28–30: Ondersteun plaaslike vakmanskap tydens die Tygermade Homegrown Expo by die Tygervallei-sentrum in Bellville. Koop keramiekware, pasgemaakte meubels en meer. Daar is ook slypskole, demonstrasies en selfs ’n brei-marathon! Kry hulle op Faceboek of skakel 084 581 1754.
28–30: Besoek die SPAR Kirkwood Wildsfees in die prentjiemooi Sondagsriviervallei net buite Port
Elizabeth. Verken meer as 350 spesialisstalletjies, proe vars bereide lekkernye en geniet uitvoerings deur onder andere Jo Black, Bok van Blerk en Refentse. Kaartjies kos vanaf R150 by westway.co.za. Sien wildsfees.co.za.
30: Die Rooy Food Market in Potchefstroom het eetgoed, lekkernye, handgemaakte mooigoed en meer. Besoekers kan ook uitsien na ’n kattebakverkoping en lewende musiek. Skakel 079 918 2092 vir nog inligting.